07:21, 09 - تامىز 2016 | GMT +5
ءبىرجان جاقىپوۆ العاشقى كەزدەسۋىن ءساتتى باستادى
ريو- دە- جانەيرو. قازاقپارات - ريو- دە- جانەيرودا ءوتىپ جاتقان 31 - وليمپيادا ويىندارىندا بوكستان 49 كەلى سالماقتا ونەر كورسەتكەن قازاقستاندىق بوكسشى ءبىرجان جاقىپوۆ العاشقى كەزدەسۋىن ناميبيالىق ماتتياس حامۋنەلاعا قارسى وتكىزىپ، العاشقى جەڭىسىنە قول جەتكىزدى.

بۇل تۋرالى ريودا جۇرگەن قازاقپارات ءتىلشىسى حابارلايدى.
ءۇش راۋندتا دا وتانداسىمىز قارسىلاسىنان الدەقايدا باسىم ەكەنىن كورسەتە ءبىلدى. ەستەرىڭىزدە بولسا، ءبىرجان جاقىپوۆ جەرەبە بويىنشا ءبىرىنشى اينالىمنان بوساتىلعان بولاتىن. ال ءبىرجاننىڭ قارسىلاسى ريو وليمپياداسىن ءبىرىنشى ىرىكتەۋدەن باستاعان. ول تىرناقالدى باسەكەسىندە ءازىربايجاندىق بىلعارى قولعاپ شەبەرى رۋفات حۋسەينوۆپەن جۇدىرىقتاسىپ، ەكىنشى كەزەڭگە جولداما العان ەدى. الايدا، ولنى قازاقتىڭ بىلعارى قولعاپ شەبەرى جارىس جولىنان ىعىستىرىپ تاستادى.
ەستەرىڭىزگە سالا كەتەيىك، قازاق بوكسشىلارىنان وليمپيادانىڭ العاشقى كۇنى ءبىرىنشى بولىپ شارشى الاڭعا كوتەرىلگەن 60 كەلىدەگى بەرىك ءابدىراحمانوۆ ا ق ش بوكسشىسى كارلوس بال دەراستەن ۇتىلىپ قالعان بولاتىن.
اۆتور: كۇنسۇلتان وتارباي