ءابىلقايىر حان زيراتى قۇرىلىسىنان پايدا كورمەك بولعان شەنەۋنىك باس بوستاندىعىنان ايىرىلدى
سوت ۇكىمى بويىنشا م. مۇستافا مەملەكەتتىك فۋنكسيالاردى ورىنداۋعا ۋاكىلەتتىك بەرىلگەن تۇلعاعا تەڭەستىرىلگەن ادام بولا تۇرا، اقتوبە وبلىسى ايتەكە ءبي اۋدانىنداعى "حان مولاسى" قورىمىنداعى ءابىلقايىر حان مەموريالدى كەشەنى قۇرىلىسىنا قاتىستى جۇرگىزىلگەن سوت ساراپتاماسىن ء«ايناد» جشس- ءنىڭ پايداسىنا شەشۋ ءۇشىن 2016 -جىلى 6 -اقپاندا اقتوبە قالاسىنداعى «بوچونوك» ءدامحاناسىندا، الدىن الا كەلىسىلگەن ۋادەگە سايكەس، ايتارلىقتاي مولشەردە - 500000 /بەس ءجۇز مىڭ/ تەڭگە كولەمىندە پارانى جەكە ءوزى الۋ كەزىندە سىبايلاس جەمقورلىققا قارسى ءىس- قيمىل ۇلتتىق بيۋروسىنىڭ اقتوبە وبلىسى بويىنشا دەپارتامەنتىنىڭ قىزمەتكەرلەرىمەن ۇستالعان.
سوت جازا تاعايىنداۋ كەزىندە م. مۇستافانىڭ جاۋاپتىلىعىن جەڭىلدەتەتىن ءمان-جايلار رەتىندە بۇرىن سوتتالماعانىن، جانۇيالىق جاعدايىن، وڭ مىنەزدەلەتىنىن ەسكەرگەن. سوتتالۋشىنىڭ جاۋاپتىلىعىن اۋىرلاتاتىن ءمان- جايلار سوتتا انىقتالماعان.
سونىمەن قاتار سوت م. مۇستافانىڭ مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن تۇلعاعا تەڭەستىرىلگەن ادام بولا تۇرا، مەملەكەتتىك قىزمەت پەن مەملەكەتتىك باسقارۋ مۇددەلەرىنە قارسى سىبايلاس جەمقورلىقپەن بايلانىستى قىلمىستىق قۇقىقبۇزۋشىلىق جاساعانىن ەسكەردى.
جوعارىدا كورسەتىلگەن ءمان- جايلاردى، سونىمەن قاتار ق ر ق ك- نىڭ 55 -بابىنىڭ 2 -بولىگىنە سايكەس جاسالعان قىلمىس بەلگىسى رەتىندە كوزدەلمەگەن جەڭىلدەتەتىن ءمان- جاي بولعان جانە اۋىرلاتاتىن ءمان- جايلار بولماعان كەزدە، اۋىر قىلمىستار بويىنشا جازا مەرزىمىن جازانىڭ اناعۇرلىم قاتاڭ ءتۇرىنىڭ ەڭ جوعارى مەرزىمىنىڭ ۇشتەن ەكىسىنەن اسپاۋى ءتيىس (ياعني 4 جىل 8 ايدان اسپاۋى ءتيىس) تالابىن ەسكەرە وتىرا، 8 -تامىز 2016 -جىلعى سوت ۇكىمىمەن م. ج. مۇستافا ق ر ق ك- ءنىڭ 366 -بابىنىڭ 2 -بولىگىمەن مۇلكى تاركىلەنىپ، جاۋاپتى مەملەكەتتىك لاۋازىم اتقارۋ جانە مەملەكەتتىك مەكەمەدە قىزمەت ىستەۋ قۇقىعىنان ءومىر بويىنا ايىرىلىپ، 4 جىل 8 ايعا باس بوستاندىعىنان ايىرۋ جازاسى تاعايىندالدى.
سوت ۇكىمى زاڭدى كۇشىنە ەنگەن جوق.
