قىزدارعا كەڭەس: ادەتكە اينالۋى ءتيىس قاعيدالار

استانا. قازاقپارات - ءومىر قاعيدالاردان قۇرالادى. كوپ ادامنىڭ ءومىرى ءبىر سارىنمەن وربۋدە.

ال سول ءبىر سارىندى ومىردە ءبىز ادەتتەنبەي جۇرگەن ءبىراز قاعيدا بار. سولارمەن تانىس بولايىق.

ءار كۇنى ءبىر ۋاقىتتا ۇيىقتاپ، ءبىر ۋاقىتتا ويانىڭىز.

تاڭعى استى، تۇسكى استى، كەشكى استى بەلگىلى ءبىر ۋاقىتتا ءىشىڭىز. اعزاڭىز بۇل ءۇشىن سىزگە راقمەتىن ايتاتىن بولادى.

8 ساعات ۇيىقتاڭىز.

ۇيىقتار الدىندا ءسال سەرۋەندەپ، تازا اۋامەن تىنىس الىڭىز. بولمەڭىزدى ۇيىقتار الدىندا 1 ساعات بۇرىن جەلدەتىپ الىڭىز.

كۇنىنە 1500 م ل. سۋ ءىشىپ تۇرىڭىز.

ءار كۇنى پايدالى تاعامدار، جەمىس- جيدەكتەر جەۋگە تىرىسىڭىز.

جاتار الدىندا ءبىر ستاقان ايران ۇرتتاپ الىڭىز.

جاتار الدىندا اياعىڭىزدى سۋىق سۋمەن جۋىپ جاتىڭىز. بىلە بىلسەڭىز، بۇل دا شىنىعۋدىڭ ءبىر ءتۇرى.

بەتىڭىزگە تابيعي قوسپالاردان قۇرالعان ماسكا جاساڭىز.

تاڭمەن تۇرىپ جۇگىرىڭىز. جاتتىعۋلار جاساڭىز.

كۇنىنە 5 شەتەل ءسوزىن جاتتاپ ءجۇرىڭىز.

ەشكىمدى وسەكتەمەۋگە ادەتتەنىڭىز. بىرەۋ تۋرالى جامان نارسەلەر ايتىلىپ جاتقان ورتادا قوسىلا كەتكىڭىز كەپ بارا جاتسا دا، ءتىلىڭىزدى تىستەپ، ءۇنسىز قالىڭىز.

كۇن سايىن بولمەڭىزدى جيناستىرىپ، قاجەتسىز زاتتاردى لاقتىرىپ تۇرىڭىز.

ءار كۇنى وزىڭىزگە بەيمالىم ءبىر نارسە بولسىن ءبىلىپ وتىرۋعا تىرىسىڭىز.

كىتاپ وقىڭىز. كۇنىنە 10-15 بەت وقىپ تاستاڭىز.

اتا- اناڭىزعا كۇنىنە ءبىر ساعاتىڭىزدى بولسا دا ءبولىپ تۇرىڭىز.

ادامدارعا جىلى سوزدەر عانا ايتىڭىز.

سويلەپ وتىرعان ءسوزىڭىزدى باقىلاۋدا ۇستاڭىز. كوڭىلدەن شىققان كورىكتى ويدىڭ اۋىزدان شىققاندا ءوڭى قاشپاسىن.

ءوز- ءوزىڭىزدى كۇتىڭىز.

جۇرەگىڭىزبەن ۇندەسەتىن ولەڭدەر جاتتاڭىز.

جەتىستىگىڭىزدى جازىپ جۇرەتىن كۇندەلىك باستاپ قويىڭىز.

اقشاڭىزدى بوسقا شاشپاڭىز.

كونتسەرتتەرگە، مادەني شارالارعا بارىپ تۇرىڭىز. ءبىراق جالعىز ءوزىڭىز ەمەس، جانىڭىزعا جاقىن ادامدى ەرتىپ الىڭىز.

اتا- اناڭىز بەن دارىگەرگە وتىرىك ايتپاڭىز.

تەك جاقسى ويلارعا بەرىلىڭىز. ءبارى ءسىز ويلاعانداي بولاتىنىنا سەنىڭىز!