ا ق ش عالىمى: مۇسىلمان ايەل - جەر بەتىندەگى ەڭ تازا ايەل
ول قاسيەتتى قۇراندا جازىلعان «اجىراسقان ايەلگە 4 اي ۋاقىت وتكەنشە قايتىپ تۇرمىس قۇرۋعا تىيىم سالىنادى» دەگەن ەسكەرتۋگە ەرەكشە نازار اۋدارىپتى دەپ جازادى e-islam.kz.
بۇعان زەرتتەۋ جۇرگىزگەن عالىم «ايەلدىڭ اعزاسىنا ەركەكتىڭ حروموسومالىق «تاڭباسىنان» تولىق تازارۋ ءۇشىن 4 اي ۋاقىت ءوتۋى كەرەك» دەگەن قورىتىندىعا كەلدى، دەپ جازادى اراب بۇقارالىق اقپارات قۇرالدارى.
مىسىر ۇلتتىق ورتالىعىنىڭ مەديتسينا پروفەسسورى، دوكتور ابدەل باسەت اس- سايد اتاپ كورسەتكەندەي، گيللحام ءوز زەرتتەۋ جۇمىستارىنىڭ بارىسىندا جىنىستىق قاتىناسقا تۇسكەن ايەل زاتىنىڭ ىشكى قۇرىلىسى ەركەكتىڭ «تاڭباسىنان» 1 ايدا %25-30 عا عانا تازاراتىنىنا، ال تولىق تازارۋ قۇراندا ايتىلعانداي 4 ايدان كەيىن عانا مارەسىنە جەتەتىندىگىنە كوز جەتكىزەدى. سوندىقتان، عالىمنىڭ اشقان جاڭالىعى - كىتاپتىڭ عىلىمي نەگىزدەرگە باستاۋ ەكەندىگىنىڭ دايەگى بولىپ ەسەپتەلەدى.
باستاپقى كەزدە ەمبريولوگ زەرتتەۋ جۇمىستارىن ا ق ش- تىڭ مۇسىلمان جانە مۇسىلمان ەمەس اۋداندارىندا جۇرگىزەدى. اقىرىندا، گيللحام مۇسىلمان ەمەس ايەلدەردىڭ بويىنان ءبىر ۋاقىتتا بىرنەشە ەركەكتىڭ حروموسومالارىن انىقتاعان.
بۇدان سوڭ، ءوز جۇبايىنا تاجىريبە وتكىزىپ، ونىڭ اعزاسىنان ءار ءتۇرلى ەركەكتىڭ 3 ءتۇرلى حروموسومالىق تاڭباسىنىڭ بار ەكەنىن بىلگەن. ءۇش بالاسىنىڭ بىرەۋىنە عانا بيولوگيالىق اكە ەكەنىنە كوزى جەتكەن. وسى وقيعادان كەيىن «مۇسىلمان ايەل - جەر بەتىندەگى ەڭ تازا ايەل» دەگەن قورىتىندى شىعارعان.
بۇل دۇنيە جۇزىلىك ۇرىقتانۋداعى العاش كەزدەسىپ وتىرعان ۋاقيعا ەمەس. ءوز ۋاقىتىندا كانادالىق عالىم، اناتوميا مەن ۇرىقتانۋ سالاسىنىڭ ايگىلى ماماندارىنىڭ ءبىرى، الەمنىڭ 8 تىلىنە اۋدارىلعان «ادام ۇرىقتانۋى» اتتى كىتاپ اۆتورى كەيت مۋر «قۇرانمەن تانىس بولعانىمدا، نوبەل سىيلىعىنا 20 جىل ەرتە يە بولار ەدىم» دەپ ايتقان ەكەن.
ۇرىقتىڭ دامۋ ساتىلارىن زەرتتەگەن مۋر ونىڭ بۇدان 1,5 مىڭ جىل بۇرىن پايدا بولعان قۇراندا تەرەڭ دالدىكپەن جازىلعانىنا ءتانتى بولدى. وسىدان سوڭ ول زەرتتەۋ جۇمىستارىنىڭ قورىتىندىلارى رەتىندە «ادام ۇرىقتانۋىنا يسلامنىڭ تولىقتىرۋلارى» اتتى كىتاپتى جارىققا شىعاردى.
