ق ر ۇلتتىق بانك ءتوراعاسى مەن «نازاربايەۆ قورىنىڭ» پرەزيدەنتى مەدەۋدە ۆەلوسيپەدپەن سەرۋەندەدى

الماتى. قازاقپارات - «نازاربايەۆ قورىنىڭ» پرەزيدەنتى جانە Nazarbayev University قامقورشىلار كەڭەسىنىڭ مۇشەسى اسلان ءسارىنجىپوۆ پەن ق ر ۇلتتىق بانك ءتوراعاسى دانيار اقىشەۆ مەدەۋدە ۆەلوسيپەدپەن سەرۋەندەدى.

بۇل تۋرالى ا. ءسارىنجىپوۆ الەۋمەتتىك جەلىدە حابارلادى.

«دەمالىستا. مەدەۋگە دەيىن ۆەلوسيپەدپەن ءجۇرىپ وتتىك. اقىشەۆ دانيار تالعات ۇلى ۆەلوسيپەدتى جاقسى فورمادا ەكەن. مەن ودان قالماۋعا تىرىستىم»، - دەپ جازدى ول Facebook تە.

جەلى پايدالانۋشىلارى مەملەكەتتىك قىزمەتكەرلەردىڭ سپورتقا دەگەن قۇلشىنىسىن باعالاپ، د. اقىشەۆ پەن ا. ءسارىنجىپوۆتى ماقتادى.

اتاپ وتكەن ءجون، سالاماتتى ءومىر سالتى مەملەكەتتىك قىزمەتكەرلەر اراسىندا كەڭ تاراپ كەلەدى. جۋىردا ەلدىڭ پرەمەر - ءمينيسترى كارىم ءماسىموۆ استانا - بۋراباي تراسساسىندا ۆەلوسيپەدپەن جۇرگەن بولاتىن.

ايتا كەتۋ كەرەك، بۇگىندە ك. ءماسىموۆ الەۋمەتتىك جەلىلەر ارقىلى سالاماتتى ءومىر سالتىن كەڭ ناسيحاتتاپ كەلەدى.