16:19, 08 - تامىز 2016 | GMT +5
عالىمدار ادامنىڭ اياق- قولدارىن ءوسىرۋدىڭ جولىن تاپتى
استانا. قازاقپارات - عالىمدار ادامداردىڭ اياق- قولدارىن وسىرە الاتىن ورتاق گەندەردىڭ بار ەكەنىن انىقتادى، - دەپ حابارلايدى Lenta.ru ماۋنت- دەزەرت ارالىندا ورنالاسقان بيولوگيالىق زەرتحانانىڭ زەرتتەۋشىلەرىنىڭ جاريالانىمىنا سىلتەمە جاساپ.

بيولوگتار ءوز كۇشىمەن ادامداردىڭ اياق- قولىن وسىرە الاتىن جانۋارلاردىڭ گەنومەندەرىن زەرتتەدى. ولاردىڭ ىشىندە، اكۆاريۋمنىڭ ىشىندەگى دانيو- رەريو بالىقتارىن، اكسوتوتلدەردى، مەكسيكا وزەنىندەگى كەسىرتكى ءتارىزدى جاندىكتەردى جانە افريكاداعى سۋ قويماسىنداعى ساۋلەجۇزبەقاناتتىلاردى زەرتتەۋگە الىندى.
سونىمەن قاتار، عالىمدار ءار جاندىكتەگى گەندەردىڭ قالاي جۇمىس ىستەيتىنىن زەرتتەپ، انىقتادى. زەرتتەلگەن بارلىق اعزانىڭ وسىدان 420 ميلليون جىل بۇرىن ءومىر سۇرگەنىن ەسكەرسەك، ولاردىڭ ۇرپاقتارىندا دا سونداي گەندەر بولۋى ءتيىس.
سونداي-اق، عالىمدار گەندەرگە ميكرورنك ىشكى مولەكۋلالارىنىڭ اسەر ەتەتىنىن انىقتادى. مۇمكىن سوندىقتان بولار ادامداردىڭ گەندەرى جانۋارلاردىڭ گەندەرى سياقتى بەلسەندى جۇمىس ىستەمەيدى.