ۇكىمەت باسشىسى اتىراۋدا تۇرعىن ۇيلەردىڭ سالىنۋىن تەكسەردى

بۇل تۋرالى pm.kz حابارلايدى
«جەرۇيىق» تۇرعىن ءۇي كەشەنىنىڭ قۇرىلىسى وڭىرلەردى دامىتۋدىڭ 2020 -جىلعا دەيىنگى باعدارلاماسى اياسىندا قارجىلاندىرۋىمەن جانە «سامۇرىق- قازىنا» جىلجىمايتىن مۇلىك قورى» اق قولداۋىمەن جۇزەگە اسىپ جاتىر. كەشەن «نۇرسايا» شاعىناۋدانىنداعى ون التى 5 قاباتتى 25 پاتەرلى تۇرعىن ۇيدەن تۇرادى. كەشەن اۋماعىنا بارلىق جاعىنان كىرۋگە بولادى، سونداي- اق مۇندا جايلى اۆتوتۇراقتار، بالالارعا ارنالعان ويىن الاڭدارى، سپورت جانە شارۋاشىلىق الاڭدارى قاراستىرىلعان. قازىرگى تاڭدا قۇرىلىس جۇمىستارىنىڭ %70 اياقتالدى.
كارىم ءماسىموۆ قۇرىلىس الاڭىن ارالادى جانە تۇرعىن ءۇي كەشەنى قۇرىلىسىنىڭ بارىسى تۋرالى باياندامانى تىڭدادى.
وڭىرلەردى دامىتۋدىڭ 2020 -جىلعا دەيىنگى باعدارلاماسى 2014 -جىلى ق ر ۇكىمەتىنىڭ قاۋلىسىمەن بەكىتىلگەن. باعدارلامانىڭ نەگىزگى باعىتتارىنىڭ ءبىرى - حالىقتى قولجەتىمدى تۇرعىن ۇيمەن قامتاماسىز ەتۋ. «سامۇرىق- قازىنا» جىلجىمايتىن مۇلىك قورى باعدارلاماسى اياسىندا تۇرعىن ءۇيدى ساتۋدىڭ ەكى نۇسقاسى قاراستىرىلعان: تىكەلەي ساتۋ جانە جالعا بەرۋ ارقىلى ساتۋ. جىلجىمايتىن مۇلىك قورىنىڭ تۇرعىن ۇيلەرى الدىمەن جەرگىلىكتى اتقارۋشى ورگاندار ارقىلى كەزەكتە تۇرعانداردىڭ اراسىندا ساتىلادى.
جالپى، بۇل باعدارلاما تۇرعىنداردىڭ ءومىر ساپاسىن ارتتىرىپ، ايماقتاردىڭ تىرشىلىك ينفراقۇرىلىمدارىن جانە ەكونوميكالىق الەۋەتىن دامىتۋعا باعىتتالعان.
انىقتاما ءۇشىن:
تۇرعىن ءۇي قۇرىلىسى سالاسىنداعى مەملەكەت ساياساتىن جۇزەگە اسىرۋدى قامتاماسىز ەتۋ ءۇشىن قۇرىلىس جۇمىسىن رەتتەيتىن ءبىرقاتار زاڭنامالىق جانە نورماتيۆتىك- قۇقىقتىق اكتىلەر، سونداي- اق مەملەكەتتىك باعدارلامالار: قازاقستان رەسپۋبليكاسىندا تۇرعىن ءۇي قۇرىلىسىن دامىتۋدىڭ 2005-2007 -جىلدارعا ارنالعان مەملەكەتتىك باعدارلاماسى؛ «تۇرعىن ءۇي قۇرىلىسىنا ۇلەستىك قاتىسۋ تۋرالى» ق ر زاڭى؛ قازاقستان رەسپۋبليكاسىنداعى تۇرعىن ءۇي قۇرىلىسىنىڭ 2008-2010 -جىلدارعا ارنالعان مەملەكەتتىك باعدارلاماسى؛ قازاقستان رەسپۋبليكاسىنىڭ قۇرىلىس يندۋسترياسىن جانە قۇرىلىس ماتەريالدارى ءوندىرىسىن دامىتۋ بويىنشا 2010-2014 -جىلدارعا ارنالعان باعدارلاماسى؛ «قولجەتىمدى باسپانا - 2020» باعدارلاماسى قابىلداندى.
2015 -جىلى 8,9 ميلليون شارشى مەتر تۇرعىن ءۇي پايدالانۋعا بەرىلدى. 1991 -جىلمەن سالىستىرعاندا، بارلىق قارجىلاندىرۋ كوزدەرى بويىنشا سالىنعان تۇرعىن ۇيلەر 2,8 ميلليون شارشى مەترگە نەمەسە %45,9 ارتتى.
25 جىل ىشىندە (1991 -جىلدان 2016 -جىلدىڭ 1 -ماۋسىمىنا دەيىن) قازاقستاندا 110,7 ميلليون شارشى مەتر تۇرعىن ءۇي سالىندى، بۇل 1 ميلليون استام وتباسىنى پاتەرمەن قامتاماسىز ەتۋگە مۇمكىندىك بەردى.
ونىڭ ىشىندە «نۇرلى جول» ينفراقۇرىلىمدى دامىتۋدىڭ 2015-2019 -جىلدارعا ارنالعان مەملەكەتتىك باعدارلاماسى جۇزەگە اسىرىلا باستالعان كەزدەن بەرى 752,9 مىڭ شارشى مەتر تۇرعىن ءۇي پايدالانۋعا بەرىلدى، سونىڭ ناتيجەسىندە 12421 وتباسى وزدەرىنىڭ باسپانا جاعدايىن جاقسارتۋعا مۇمكىندىك الدى، ونىڭ ىشىندە 8680 وتباسى جالعا بەرىلەتىن تۇرعىن ۇيگە يە بولسا، 3741 وتباسى تۇرعىن ءۇي زايمدارىن الدى.
«قولجەتىمدى باسپانا-2020» باعدارلاماسى اياسىندا 2016 -جىلى - 7600 مىڭ شارشى مەتر، 2017 -جىلى - 7700 مىڭ شارشى مەتر، 2018 -جىلى - 8000 مىڭ شارشى مەتر، 2019 -جىلى - 9000 مىڭ شارشى مەتر، 2020 -جىلى - 10000 مىڭ شارشى مەتر تۇرعىن ءۇيدى پايدالانۋعا بەرۋ قاراستىرىلعان.