بەيجىڭدە الماتى مەتروسىنىڭ قۇرىلىسىنا قىتايلىق كومپانيانىڭ قاتىسۋى تالقىلاندى

كەلىسسوزدەر بارىسىندا ليۋ تسزەسيان ورتالىق ازيا اۋماعىندا كومپانيانىڭ ىسكە اسىرىپ جاتقان جوبالارى اراسىندا قازاقستان ينۆەستيتسيا كولەمى جاعىنان جەتەكشى ورىن الاتىنىن اتاپ ءوتتى. جاقىن ارادا كورپوراتسيا وڭىرلەردىڭ الەۋمەتتىك- ەكونوميكالىق دامۋىنا ىقپال ەتەتىن قىزىلوردا وبلىسى مەن الماتى قالاسىندا ءىرى جوبالاردى جۇزەگە اسىرۋدى جوسپارلاپ وتىر.
قىتاي كاسىپكەرى سونداي- اق، الماتى مەتروسىنىڭ قوسىمشا سالالارىن سالۋ جوباسى قازاقستان مەن قىتاي اراسىنداعى يندۋستريالاندىرۋ جانە ينۆەستيتسيالار باعدارلاماسى اياسىندا جۇزەگە اسىرىلىپ، 51 جوبانىڭ تىزىمىنە ەنگىزىلگەنىن دە اتاپ ءوتتى.
ش. نۇرىشيەۆ جوبانىڭ ءساتتى اياقتالۋىنا تىلەكتەستىك ءبىلدىرىپ، اتالعان جوبالاردى كەڭىرەك تالقىلاۋ ماقساتىندا كورپوراتسيا باسشىلىعىن تامىز ايىندا قازاقستانعا شاقىردى.
«Gezhouba» 1970- جىلى قۇرىلعان ەسكە سالامىز. كومپانيانىڭ قىزمەتى قۇرىلىسى، تەحنيكالىق قىزمەت كورسەتۋ، گەس، جىلۋ ەلەكتر ستانسالارىندا، اتوم ەلەكتر ستانسالارىنا، جوعارى جىلدامدىقتى تەمىر جول، اۆتوموبيل جولدارى، اۋەجايلار، سونداي- اق ينفراقۇرىلىم نىساندارىنىڭ جۇمىسىن قامتاماسىز ەتۋ سىندى سالالاردى قامتيدى.
قىزمەتكەرلەردىڭ سانى 40 مىڭ ادامنان اسادى. «Gezhouba» كومپانياسى الەمدەگى ەڭ ءىرى سۋ ەلەكتر زاۋىتى - «ءۇش شاتقال» گ ە س قۇرىلىسىنىڭ نەگىزگى مەردىگەرى بولعان.
اۆتور: جاسۇلان جولدىبايەۆ