قازاقستاننىڭ تانىمال ساراپشىلارى ءىزباسارلارىنا ءدارىس وقيدى

«بۇل - ءبىزدىڭ باستاپ وتىرعان جاڭا جوبامىز. وسىمەن ەكىنشى رەت وتكىزىپ وتىرمىز. بۇل جازعى مەكتەپتىڭ باستى ماقساتى - جاس ساراپشىلار قاۋىمداستىعىمەن بايلانىس ورناتۋ، جاستاردى ساراپشىلىق قىزمەتكە باۋلىتۋ.
ەڭ باستىسى - ءبىزدىڭ جازعى مەكتەپ جاس ماماندارعا بەلگىلى ساراپشىلارمەن كەزدەسىپ، ولارمەن پىكىرتالاستارعا قاتىسىپ، ولاردىڭ ەڭبەكتەرىمەن دە تولىق تانىسۋعا مۇمكىنشىلىكتەر بەرەدى دەپ ويلايمىز. ەكىنشى ماقساتىمىز - جاس ماماندارمەن، ساراپشىلارمەن جازعى مەكتەپ جانە وسى سياقتى جوبالاردى وتكىزۋ ارقىلى ولاردىڭ اراسىندا كوزگە ەرەكشە كورىنىپ تۇرعان وكىلدەرىنە نازار اۋدارىپ، مۇمكىن ولارمەن بولاشاقتا بىرلەسىپ، جۇمىس ىستەۋگە دە كوڭىل اۋدارامىز. بىلتىر جازعى مەكتەپكە قاتىسقان ءبىر ارىپتەسىمىز بيىل ءبىزدىڭ ينستيتۋت قۇرامىندا ىستەپ ءجۇر»، - دەيدى ق ر پرەزيدەنتى جانىنداعى قازاقستاننىڭ ستراتەگيالىق زەرتتەۋ ينستيتۋتىنىڭ ديرەكتورى ەرلان قارين.
جازعى مەكتەپ بەس كۇنگە سوزىلادى. كۋرسقا قاتىسشى جاس ماماندار قازاقستاندىق ساراپشىلاردىڭ قاۋىپسىزدىككە بايلانىستى ينتەراكتيۆتى پىكىرتالاستارىنا كۋا بولادى. ولاردىڭ ىشىندە دوسىم ساتپايەۆ، ايدوس سارىم، ۆياچەسلاۆ دودونوۆ، سانات كوشكىمبايەۆ، دانيار قوسنازاروۆ، گۇلميرا ەلەۋوۆا، دينارا نۇرىشيەۆا سىندى بىلىكتى ساراپشىلار بار. سونداي- اق جاس ساراپشىلارعا ق ر ۇلتتىق قاۋىپسىزدىك كوميتەتى، ق ر قاۋىپسىزدىك كەڭەسى جانە ق ر پرەزيدەنت اكىمشىلىگىنىڭ وكىلدەرى ءدارىس وتكىزەدى. بۇدان بولەك جازعى مەكتەپ كۋرسىندا تانىمال حالىقارالىق ساراپشىلار ۆەبينار ارقىلى ءوز تاجىريبەسىمەن بولىسەتىن بولادى.
كوميسسياعا قازاقستان جانە ورتا ازيانىڭ كەيبىر مەملەكەتتەرىنەن بارلىعى 100-گە جۋىق ءوتىنىش كەلىپ ءتۇستى. ولاردىڭ ىشىنەن كوميسسيا 20 قاتىسۋشىنى ىرىكتەپ الدى.