اقىلى جولدار بەكەتىنەن توقتاۋسىز ءوتۋ تەحنولوگياسى قاراستىرىلۋدا

استانا. قازاقپارات - اقىلى جولدار بەكەتىنەن توقتاۋسىز ءوتۋ تەحنولوگياسى قاراستىرىلۋدا. بۇل تۋرالى «قازاقپارات» اگەنتتىگىنە «قازاۆتوجول» ۇ ك» ا ق باسپا ءسوز قىزمەتىنەن حابارلادى.
None
None

«2013 -جىلى بورتتىق قۇرىلعى - ترانسپوندەرلەر پايدالانۋعا ەنگىزىلدى. ەگەر ترانسپوندەردى پايدالانۋ كەزىندە قۇرىلعى ءۇشىن كەپىلدىك قۇنىن (3971 تەڭگە) تولەۋ جانە قوسىمشا تەحنيكالىق قىزمەت كورسەتۋ قاجەت بولسا، ال قازىرگى كەزدە كولىك قۇرالىنىڭ مەملەكەتتىك نومىرىنە ارنالعان تەڭگەرىمدى تولتىرۋ تەحنولوگياسى جۇمىس ىستەپ تۇر.

بۇل ءتاسىل جول اقىسىن تولەۋدىڭ ەڭ ىڭعايلى جانە ءتيىمدى ءتاسىلى بولىپ تابىلادى. بۇگىندە تەڭگەرىمدى ەلدى مەكەندەردە، جانار- جاعارماي قۇيۋ ستانسيالارىندا جانە ت. ب. تولتىرۋعا بولادى. الداعى ۋاقىتتاردا كولىك قۇرالىن ەڭ جوعارى سايكەستەندىرۋدى جانە اقى الۋ بەكەتى ارقىلى توقتاۋسىز ءوتۋدى قامتاماسىز ەتۋدى جۇزەگە اسىراتىن، پاسسيۆتى RFID بەلگىلەرى يننوۆاتسيالىق تەحنولوگياسىن ەنگىزۋ قاراستىرىلۋدا»، - دەپ اتاپ وتىلگەن كومپانيا مالىمەتىندە.

استانا- شۋچە اقىلى جول بولىگىندە قوزعالىس جولاقتارىنىڭ وتكىزۋ قابىلەتىن ارتتىرۋ جانە جول كەپتەلىسىن بولدىرماۋ ءۇشىن 2015 - جىلدىڭ كۇزىنەن باستاپ الدىن الا تولەم نەگىزىندە جۇمىس ىستەيتىن جولاق ىسكە قوسىلعان. بۇل جولاقتىڭ ءمانىسى - ءاربىر قولدانۋشى اقىلى بولىككە شىعاردان بۇرىن قالانىڭ، سونداي- اق، مەملەكەتىمىزدىڭ كەز كەلگەن نۇكتەسىنەن QiWi، كاسسا 24 تولەم جۇيەلەرى ارقىلى الدىن الا تولەم جاساۋ مۇمكىندىگىندە بولىپ تابىلادى، بۇل اقىلى بەكەت ارقىلى ءوتۋ ۋاقىتىن ايتارلىقتاي قىسقارتادى.

 «سونداي- اق، «KaspiBank» ا ق، «تەڭگە» جانە كيبەرپلات تولەم جۇيەلەرىنىڭ كومەگىمەن تەرمينالدار سانى كوبەيتىلەتىن بولادى. قولدانۋشى الدىن الا تولەم جاساماعان جاعداي ءۇشىن ديرەكسيا «موبيلدى كاسسير» سەرۆيسىن قاراستىرعان. بۇل سەرۆيستىڭ كومەگىمەن قولدانۋشى كولىك قۇرالىنىڭ (ك ق) شوتىن ا ا پ- عا (اقى الۋ پۋنكتى) كىرگەن كەزدە تولتىرا الادى»، - دەيدى كومپانيا وكىلدەرى.

ستاتيستيكاعا قاراساق، 2015 -جىلدىڭ جاز ماۋسىمىندا جول اقىسى ءۇشىن الدىن الا تولەم جاساعان ك ق سانى 263 بولسا، 2016 -جىلى 2105 اۆتوكولىكتى قۇراعان.

 «اتالعان مالىمەتتى تالداي وتىرىپ، الدىن الا تولەم بويىنشا جۇرەتىن قولدانۋشىلاردىڭ كوپشىلىگىن تۇراقتى قولدانۋشىلار (ك ق- نىڭ جالپى اعىنىنىڭ % 20- عا جۋىعىن) قۇرايدى. قالعان بولىگىن اقىلى بولىككە ءبىرلى- جارىم شىعاتىندار قۇرايدى، سوندىقتان دا ولار الدىن الا تولەم جاساۋدى قاجەت دەپ سانامايتىن شىعار. «قازاۆتوجول» ۇ ق» ا ق اقپاراتتىق بۇكتەمەلەر مەن فلايەرلەر تاراتۋ بويىنشا ءىس- شارالار وتكىزىپ تۇرادى، سايتقا، الەۋمەتتىك جەلىلەرگە جانە ب ا ق- قا اقپارات ورنالاستىرادى. اقىلى جولداردىڭ ارتۋىمەن الدىن الا تولەمدى قولدانۋشىلار سانى دا ارتا تۇسەدى دەپ جورامالدايمىز»، - دەلىنگەن كومپانيا مالىمەتىندە.

اۆتور: رۋسلان عابباسوۆ

سوڭعى جاڭالىقتار