دەنساۋلىق: بالالار ءۇشىن ۇزاق وتىرۋ زيان

دەپ جازادى «بالالار الەمى» سايتى.
زەرتتەۋدە ا ق ش، كانادا، اۆستراليا جانە شوتلانديادا سوڭعى جىلدارى باسىلىپ شىققان قيمىل- قوزعالىسسىز ءومىر سۇرۋگە قاتىستى 5 ماقالانىڭ ناتيجەلەرى ساراپتالعان.
زەرتتەۋگە قاتىسقاندار 3 ساعاتتان از، 3-6 ساعات جانە 6 ساعاتتان ارتىق قيمىلسىز وتىرۋ مەن تەلەديدار كورۋ ۋاقىتتارىنا قاراي (2 ساعاتتان از، 2-4 ساعات جانە 4 ساعاتتان ارتىق قيمىلسىز وتىرۋ) تۇرىندە توپتاستىرىلدى.
عالىمدار 2005-2006 -جىلدارى 18 جاستاعى امەريكالىق جاستاردى قاتىستىرعان زەرتتەۋىن 2009-2010 -جىلدارى قايتا جالعاستىرىپ، تەلەديدار الدىندا 2 ساعاتتان ارتىق وتىرماعان جاستاردىڭ دەنساۋلىعىنداعى وڭ وزگەرىستى بايقاعان. وسى قالىپتى ۇستايتىن بولسا، ولاردىڭ جاسى 1 جىل 3 ايعا ۇزاردى، دەپ بولجاعان.
ا ق ش- تا قاتەرلى ىسىك بىرلەستىگى 123 مىڭ 216 ادامدى قاتىستىرا وتىرىپ، جاڭا زەرتتەۋ تۇجىرىمىن ۇسىندى. وندا ءبىر كۇندە 6 ساعاتتان ارتىق قيمىلسىز وتىراتىنداردىڭ دەنساۋلىعى ءبىر كۇندە 3 ساعاتتان ارتىق وتىرمايتىن ادامعا قاراعاندا ناشار بولاتىنىن، ءومىر جاسىنداعى ايىرماشالىق شامامەن % 20 بولاتىنىن جازعان.