تانىمال انشىلەردىڭ وزدەرىنەن اۋماي قالعان سىڭلىلەرى - فوتو

جۋىردا ايدانا مەدەنوۆا ينستاگرام پاراقشاسىنا بەيتانىس بويجەتكەنمەن بىرگە تۇسكەن سۋرەتىن سالدى. اتالعان سۋرەتتەگى ارۋدىڭ وزىنە قاتتى ۇقسايتىنى بايقالادى. وسىدان كەيىن جەلى قولدانۋشىلارى ءانشىنى سۇراقتىڭ استىندا قالدىرعان- دى.
ءانشىنىڭ بولەسىنىڭ ەسىمى باعلان شاعانوۆا ەكەن. ءوزى دە اپكەسىنەن ۇلگى الۋعا تىرىساتىندىعىن جاسىرمايدى. وسى كۇنگە دەيىن باعلان "Miss faculty of humanities" جانە "ميسس كازگيۋيۋ -2015" سىندى بايقاۋلاردىڭ باس جۇلدەسىن يەلەنىپ ۇلگەرگەن ەكەن. مۇنىمەن قاتار، دينارا سۇلتان، ساندا، ليدو سىندى جۇلدىزداردىڭ دا جۇرت بىلە بەرمەيتىن سىڭلىلەرى بار بولىپ شىقتى.
ءۇش بالاسى بولسا دا، ءساندى كيىنىپ، وزىنە ەرەكشە كۇتىم جاسايتىن ليدوعا جۇرت وسى كۇنگە دەيىن تاڭ قالىپ كەلەدى. ونىڭ ءسىڭلىسى ءاليا بايرون دا ءوزىنىڭ تالعامى مەن سىمباتى ءۇشىن ماقتانا الادى. ءاليا دا اپكەسى سەكىلدى شىعارماشىلىقپەن اينالىسادى. بار ۋاقىتىن سۋرەتكە ءتۇسىرىپ، ونى وڭدەۋگە جۇمسايدى. ول جۋىردا انا اتانىپ تا ۇلگەردى. ەندى جەلى قولدانۋشىلارىمەن بالا تاربيەسىنە قاتىستى كەڭەستەرىن بولىسۋدە.
جۋىردا ساندانىڭ اكە- شەشەسىنىڭ نەبارى 11 جاسىندا ايىرىلىسىپ كەتكەنى تۋرالى ايتقان بولاتىنبىز. وسى ۋاقىت ىشىندە اكەسىمەن بىردە- ءبىر رەت حابارلاسپاعان ەكەن. مۇنىمەن قاتار، تۋعان ءسىڭلىسى دانا دا سەمەيدە تۇرادى ەكەن. ءانشىنىڭ ايۋىنشا، ولار مۇلدەم ءبىر- بىرىنە ۇقسامايدى. دانانىڭ مىنەزى قيىنداۋ كەلسا، ساندا كەرىسىنشە جۇمساق، مەيىرىمدى ەكەن. ارالارىن بولگەن قاشىقتىققا قاراماستان، حابارلاسىپ سىرلارىن ءبولىسىپ وتىرادى ەكەن.
جۋىردا دينارا سۇلتان اتا- اناسىن تانىستىرعان بولاتىن. ەندى مىنە كەزەك كىشى سىڭلىسىنە كەلگەن سياقتى. ۆەنەرا ەكەۋى جاقىن قۇربىداي سىرلاساتىن كورىنەدى. ءانشىنىڭ ءوزى شەتەلدە تۇراتىندىقتان، كوپ ۋاقىتتارىن بىرگە وتكىزبەيدى. ۆەنەرا قوسكەلديەۆا اتىراۋ قالاسىنداعى نۇرعيسا تىلەنديەۆ اتىنداعى ونەر اكادەمياسىن ءتامامداعان. ول دا اپكەسى سەكىلدى تاماشا داۋىس يەسى.