رەجيسسەرلەر «تاراس. شولمەن قوشتاسۋ» فيلمى ءۇشىن قازاق قىزى «كاتيانى» ىزدەۋدە - فوتو

ماڭعىستاۋعا جەر اۋدارىلعان ۋكراينالىق اقىننىڭ ءومىرى تۋرالى فيلمىن تۇسىرۋگە ينسايتمەديا پروديۋسەرلىك ورتالىعى مەن «تاناريس پروداكشن» كينوكومپانياسى قاتىسۋدا.
«تۇسىرىلىمگە ۋكراينالىق، رەسەيلىك جانە قازاقستاندىق اكتەرلەر قاتىسادى. تاراس شيەۆچەنكو ءرولىن وينايتىن - ۋكراينالىق اكتەر بوريس ورلوۆ كەلەدى. ماڭعىستاۋ وبلىسىنىڭ اكىمى قولداۋ كورسەتىپ وتىر»، - دەدى فيلم پروديۋسەرلەرىنىڭ ءبىرى - «تاناريس پروداكشن» كينوكومپانياسىنىڭ ديرەكتورى، كينورەجيسسەر، ق ر ەڭبەگى سىڭگەن قايراتكەر سەرگەي ءازىموۆ.
قىزتۋماس ءرولىن ويناۋعا ءۇمىتتى قىزدار اراسىندا بايقاۋ جاريالانعانى حابارلاندى. ول فيلمدەگى باستى رولدەردىڭ ءبىرى. شيەۆچەنكو ونى بەلگىلى «قازاق كاتيا» كارتيناسىندا سۋرەتتەگەن. فيلمدە ول ءجيى اتقا ءمىنىپ جۇرەدى. سوندىقتان تالاپتار قاتاڭ. اكتريسا 18-20 جاستاعى سۇلۋ قازاق قىزى بولۋى ءتيىس. ول سالت اتپەن جۇرە ءبىلۋى ءتيىس. س. ءازىموۆ اتاپ وتكەندەي، اكتەرلىك شەبەرلىگى بار قىزدارعا باسىمدىق بەرىلەدى.