08:08, 08 - تامىز 2016 | GMT +5
پورتۋگاليالىق ءمينيستردى وليمپيادادا توناپ كەتتى
استانا. قازاقپارات - ريو- دە- جانەيروعا پورتۋگالدىق دەلەگاتسيا قۇرامىندا كەلگەن پورتۋگاليا سپورت جانە ءبىلىم ءمينيسترى تياگۋ برانداو توناۋشىلار شابۋىلىنا ۇشىرادى، دەپ حابارلادى «سپورت ەكسپرەسس».

تياگۋ برانداو يپانەما بەدەلدى اۋدانىندا كەشكى وتىرىستان قايتىپ كەلە جاتقاندا، وعان جانە دوسىنا ەكى بەلگىسىز ادام شاپ بەردى. قىلمىسكەرلەر پىشاقپەن قورقىتىپ، ءمينيستردىڭ اقشاسىن تارتىپ الدى. اقشانىڭ مولشەرى ايتىلماعان.
پوليتسيا قاسكويلەردى جەدەل قولعا ءتۇسىردى، ولاردىڭ ءبىرى ريونىڭ قىلمىستىق الەمىندە تانىمال توناۋشى - ماركو لۋيس برانداۋ بولىپ شىقتى، ونىڭ لاقاپ اتى - تيمەن. ونى ۇستاۋ كەزىندە پوليتسەيلەرگە 5 مىڭ رەال (شامامەن ءبىر جارىم مىڭ دوللار) پارا بەرمەكشى بولدى.
بىرنەشە ادامنىڭ ۇيىمداسقان قارۋلى شابۋىلى ءۇشىن تيمەن 10 جىل تۇرمەدە وتىرۋى مۇمكىن.