فرانسيا بيلىگى حالال سۋپەرماركەت يەسىن شاراپ پەن شوشقا ەتىن ساتۋدى مىندەتتەدى
ەگەر ولار ونى ىستەمەسە جەرگىلىكتى بيلىك وكىلدەرى دۇكەندى جاباتىنىن ايتىپ، سەس كورسەتكەن.
جەرگىلىكتى ۆەدومستۆودان Good Price عيماراتتى جالعا العان. ولاردىڭ ايتۋىنشا، سۋپەرماركەت جالعا الۋ شارتتارىن تولىعىمەن ورىنداماعان. نەگىزىندە ول «امبەباپ ازىق- تۇلىك ساتاتىن دۇكەن بولۋى ءتيىس» دەپ حابارلايدى The Telegraph. بيلىكتىڭ ايتۋىنشا، سۋپەرماركەتتە الكوگول مەن شوشقا ەتىنىڭ بولماۋى كليەنتتەرگە ساپاسىز قىزمەت كورسەتۋدىڭ دالەلى.
«كولومب مەرى نيكول گۋەرتانىڭ ءوزى سۋپەرماركەتكە كەلىپ، دۇكەن يەلەرىنە اسسورتيمەنتتى كوبەيتىپ، الكوگول مەن حالال ەمەس زاتتاردى قوسۋدى سۇراعان»، - دەيدى باسىلىم مەر اكىمشىلىگىنىڭ باسشىسى جەروم بەسناردىڭ سوزىنە سىلتەمە جاساپ.
ونىڭ ايتۋىنشا، جەرگىلىكتى تۇرعىندا، ەگدە جاستاعى كىسىلەر ءبىر جىل بۇرىن قاراپايىم سۋپەرماركەتتىڭ ورنىنا كەلگەن Good Price دۇكەنىندە ازىق- تۇلىكتىڭ اسسورتيمەنتى جوقتىعىن ايتىپ، شاعىمدانعان.
«ءبىز قوعامنىڭ ارالاسقانىن قالايمىز. ءبىز تەك مۇسىلماندار تۇراتىن نەمەسە بىردە- ءبىر مۇسىلمانى جوق اۋداننىڭ بولعانىن قالامايمىز»، - دەيدى بەسنار. ول تۋرا وسىنداي جاعداي كوشەرلىك دۇكەن بولسا دا بۇل تالاپتاردى قوياتىنىن قوسا ايتتى.
كولومب قالالىق تۇرعىن ءۇي ۆەدومستۆوسىنىڭ ويىنشا، دۇكەن فرانسيا رەسپۋبليكاسىنىڭ ۇستانىمدارىن بۇزىپ، بەلگىلى ءبىر ەتنيكالىق قاۋىمنىڭ مۇددەسى ءۇشىن جۇمىس ىستەپ جاتىر.
Good Store دۇكەنىنىڭ يەسى سۇلەيمەن يالچيننىڭ ايتۋىنشا، دۇكەن وسى اۋداندا تۇراتىن تۇرعىنداردىڭ تالاپتارىنا جاۋاپ بەرەدى. «كەلىسىمشارتتا » امبەباپ ازىق- تۇلىك ساتاتىن دۇكەن جانە سايكەس قىزمەت» دەپ جازىلعان، الايدا «سايكەس قىزمەت» ءسوزىن اركىم ءارقالاي تۇسىنەدى»، - دەيدى ول.
بيلىك وكىلدەرى 2019 -جىلعا دەيىن جاسالعان كەلىسىمشارتتى بۇزۋ تۋرالى سوتقا شاعىم تۇسىرگەن. سوت وسى جىلدىڭ قازان ايىندا بولادى.
Kaz.tengrinews.kz
