15:41, 07 - تامىز 2016 | GMT +5
قاسىم- جومارت توقايەۆ ريو وليمپياداسىنىڭ كۇمىس جۇلدەسىنە يە بولعان ەلدوس سمەتوۆتى قۇتتىقتادى
استانا. قازاقپارات - ق ر پارلامەنتى سەناتىنىڭ ءتوراعاسى قاسىم- جومارت توقايەۆ ءوزىنىڭ تۆيتتەردەگى پاراقشاسىندا ريو وليمپياداسىنىڭ كۇمىس جۇلدەگەرى اتانعان ەلدوس سمەتوۆتى قۇتتىقتادى.
«الەم چەمپيونى ەلدوس سمەتوۆتى وليمپيادا كۇمىس مەدالىن جەڭىپ الۋىمەن قۇتتىقتايمىن. جاقسى ناتيجە!» - دەپ جازىلعان ق. توقايەۆتىڭ پاراقشاسىندا.
ايتا كەتيىك، قازاقستاندىق دزيۋدوشى، 60 كەلى سالماق ساناتىنداعى ەلدوس سمەتوۆ ريو- دە- جانەيروداعى وليمپيادا ويىندارىنىڭ كۇمىس جۇلدەگەرى اتاندى.
ول فينالدا رەسەيلىك بالۋان بەسلان مۋدرانوۆپەن بەلدەسىپ، نەگىزگى ۋاقىتتا تەڭ دارەجەدە ونەر كورسەتتى. وكىنىشكە قاراي قوسىمشا ۋاقىتتىڭ سوڭعى سەكۋندتارىندا رەسەيلىك سپورتشى ايلاسىن اسىرىپ كەتتى.
وسىلايشا ەلدوس سمەتوۆ ريو وليمپياداسىنىڭ كۇمىس جۇلدەگەرى اتاندى.
ەلدوستىڭ بۇل جۇلدەسى وليمپيادانىڭ العاشقى كۇنى قازاقستان قورجىنىنا تۇسكەن ەكىنشى مەدال. العاشقى جۇلدەنى دزيۋدودان ايەلدەر اراسىندا سىنعا تۇسكەن 48 كەلى سالماقتاعى ارۋىمىز گالبادراح وتگونسەتسەگ ەنشىلەگەن بولاتىن.
