مارگاريتا ەليسەيەۆا ريو وليمپياداسىن بەسىنشى ورىنمەن اياقتادى

 ريو- دە- جانەيرو. قازاقپارات - كەشە قازاقستاندىق اۋىراتلەت مارگاريتا ەليسەيەۆا ريوداعى وليمپيادانى بەسىنشى ورىنمەن اياقتادى. بۇل تۋرالى ريوداعى قازاقپارات ءتىلشىسى حابارلادى.

 ول قوس سايىستىڭ العاشقى جۇلقا كوتەرۋىن ءساتسىز باستادى. ءبىرىنشى جانە ەكىنشى مۇمكىندىكتەرىن پايدالانا العان جوق. ءۇشىنشى مۇمكىندىگىندە 80 كەلىنى باعىندىردى. ال سەرپە كوتەرۋدە نەبارى 107 كەلىمەن اياقتادى. سونىمەن قوس سايىستىڭ قورىتىندىسى بويىنشا 187 كەلىنى باعىندىرىپ، ريو وليمپياداسىن بەسىنشى ورىنمەن اياقتادى.

اۋىر اتلەتيكادان 48 كەلى سالماقتا سىنعا تۇسكەن قىزدار اراسىندا ريو التىنىن تايلاندتىق سوپيتا تاناسان قانجىعاسىنا بايلادى. ول قوس سايىستىڭ قورىتىندىسى بويىنشا 200 (92+108) كەلىنى باعىندىردى. ەكىنشى ورىنعا يندونەزيالىق اتلەت سري ۆاحيۋني اگۋستياني جايعاستى. ول قوس سايىس قورىتىندىسى بويىنشا 192 (85+107) كەلىنى باعىندىردى. ۇزدىك ۇشتىكتەن جاپونيالىق حيروكي مياكا كورىندى. ول 188 (81+107) كەلىنى باعىندىردى.

اۆتور: كۇنسۇلتان وتارباي