14:09, 07 - تامىز 2016 | GMT +5
مىڭنان استام توتىقۇس تايۋان اۋەجايىندا قىرىلىپ قالدى
استانا. قازاقپارات - تايۋان حالىقارالىق اۋەجايى جەرگىلىكتى قىزمەتكەرلەردىڭ سالعىرتتىعىنان توتىقۇستار جاپپاي قىرىلعان ورىنعا اينالدى، دەپ حابارلادى تايۋان حالىقارالىق راديوسى.
ولار جانۋارلاردى تاسىمالداۋ ۇدەرىسىن بۇزىپ، جابىق كونتەينەرلەردە ىستىقتا قۇستاردى قالدىرعان. سالدارىنان قۇستاردىڭ دەنەسى قىزىپ كەتكەن.
سونىمەن قاتار ەكى مىسىق پەن يت ءولدى. ولار China اۋە كومپانياسىنىڭ رەيسىنە تيەلۋى ءتيىس ون كونتەينەرگە توتىقۇستارمەن بىرگە ورنالاستىرىلعان.
جانۋارلاردى رەسىمدەۋ ۇدەرىسى جوسپارلانعاننان تەزىرەك ءوتتى جانە كونتەينەرلەر ىستىقتا كوپ ۋاقىت تۇرىپ قالدى. ەرەجەگە سايكەس جانۋارلاردى ۇشاق جونەلتىلگەنگە ەڭ كوبى جارتى ساعات قالعاندا كونتەينەرگە ورنالاستىرۋ كەرەك. وعان دەيىن بولمايدى.
توتىقۇستاردىڭ قىرىلۋىنا كىنالى تۇلعالار ايىپپۇل تولەۋى مۇمكىن.
