ءالى توعىز بوكسشىمىز بار، قىزىقتىڭ كوكەسى ەندى باستالادى - م. ايتجانوۆ

ريو- دە- جانەيرو. قازاقپارات - بەرىكتىڭ قارسىلاسى شىن مانىندە مىقتى ەكەنىن مويىنداتتى. بۇل تۋرالى بوكستان قازاقستان ۇلتتىق قۇراماسىنىڭ باس باپكەرى مىرزاعالي ايتجانوۆ ريوداعى قازاقپارات تىلشىسىنە بەرگەن سۇحباتىندا ءمالىم ەتتى.

«بۇگىن وزدەرىڭىز كورگەندەي، بەرىك ءابدىراحمانوۆ ا ق ش بوكسشىسىنا ۇتىلىپ قالدى. ءبىزدىڭ جىگىت وسىعان دەيىن بۇل بوكسشىمەن كەزدەسىپ كورمەگەن. ءبىرىنشى رەت كورىپ وتىرمىز. جاپ- جاس بالا. جاس بولسا دا تالانتتى ەكەنى كورىنىپ تۇر»، - دەپ اتاپ ءوتتى باس باپكەر.

سونداي- اق، م. ايتجانوۆ ونىڭ وتە جىلدام قيمىلدايتىن بوكسشى ەكەنىن دە اشىپ ايتتى.

«ا ق ش بوكسشىسى العاشقى راۋندتاردان- اق وتە شيراق قيمىلدادى. ەكىنشى راۋندتا تىزگىندى ءوز قولىنا الدى. بەرىك ءۇشىنشى راۋندتا بار كۇشىن سالعانىمەن ءبارى كەش بولدى. نەگىزى العاشقى جەكپە- جەگىمىز جەڭىسپەن باستالعاندا دۇرىس بولار ەدى. ءبىراق، الدا توعىز جىگىتىمىز بار. قىزىقتىڭ كوكەسى ەندى باستالادى. سوندىقتان ءوزىمىزدىڭ ەلگە بەرگەن ۋادەمىزدى ورىنداۋعا، الدىمىزعا قويعان ماقساتقا جەتۋگە ءالى مۇمكىندىك بار»، - دەپ اتاپ ءوتتى ايتجانوۆ.

 ەستەرىڭىزگە سالا كەتەيىك، ريو- دە- جانەيرودا ءوتىپ جاتقان 31 - وليمپيادا ويىندارىندا بۇگىن 60 كەلىدە ونەر كورسەتكەن بوكسشىمىز بەرىك ءابدىراحمانوۆ ءبىرىنشى جەكپە- جەگىندە ۇتىلىپ قالعان بولاتىن.

ول العاشقى ايقاسىندا ا ق ش سپورتشىسى كارلوس بال دەراسپەن جۇدىرىقتاستى.

اۆتور: كۇنسۇلتان وتارباي