كارىم ءماسىموۆ ەرتىس وزەنى ارقىلى وتەتىن كوپىر قۇرىلىسىمەن تانىستى
نىسان قۇرىلىسى «نۇرلى جول» باعدارلاماسى اياسىندا جۇزەگە اسىرىلۋدا. ول بيىلعى جەلتوقسان ايىندا پايدالانۋعا بەرىلەدى دەپ جوسپارلانعان.
جوبا اياسىندا ورتا ازياداعى ەڭ ءىرى كوپىر وتكەلىن سالۋ قاراستىرىلعان.
ول ەرتىس وزەنى، ەسكى ەرتىس جانە شورتانكول كولى ارقىلى وتەتىن 3 وتكەلدى قامتيتىن بولادى. كوپىر وتكەلى استانا- پاۆلودار- وسكەمەن باعىتى بويىنشا «ورتالىق- شىعىس» باعىتىنىڭ ءبىر بولىگىنە اينالىپ، قازاقستاننىڭ ورتالىق بولىگىن ەلىمىزدىڭ شىعىسىمەن جانە رەسەيدىڭ كورشىلەس ايماقتارىمەن بايلانىستىرماق. وتكەلدىڭ ارقاسىندا پاۆلودار قالاسىنىڭ كوشەلەرىنىڭ جولدارىنداعى جۇكتەمە ازايىپ، ترانزيتتىك كولىك شىعىسقا جانە قالانى اينالۋ ارقىلى كەرى باعىتقا باعىتتالادى.
ك. ءماسىموۆ كوپىر وتكەلىن قاراپ شىقتى. ينۆەستيتسيالار جانە دامۋ ۆيتسە- ءمينيسترى بەرىك قاماليەۆ پرەمەر- ءمينيستردى كوپىر قۇرىلىسىنىڭ بارىسى جانە ونى اياقتاۋ بويىنشا جوسپارلار تۋرالى اقپاراتتاندىردى. قازىرگى كەزدە اقىرعى مونتاجداۋ جۇمىستارى جۇرگىزىلۋدە.
نىسانعا قاجەتتى نەگىزگى جول- قۇرىلىس ماتەريالدارى جەرگىلىكتى تاۋار وندىرۋشىلەردەن ساتىپ الىنادى. سونىمەن قاتار، اتالعان نىسان قۇرىلىسىنا پاۆلودار وبلىسىنداعى كولىك قىزمەتى جانە قوعامدىق تاماقتاندىرۋ سالاسىنداعى 100 گە جۋىق شاعىن جانە ورتا بيزنەس كاسىپورنى تارتىلعان.
