قيامەتتە وتە اۋىر ازاپقا دۋشار بولاتىن ءۇش ادام

استانا. قازاقپارات - ءابۋ ھۋرايرادان (ر. ا. ) جەتكەن حاديستە: «اللا ەلشىسى (س. ع. س.): «قيامەت كۇنى اللا تاعالا ءۇش ءتۇرلى اداممەن تىلدەسپەيدى.

ولارعا (مەيىرىممەن) قارامايدى ءارى (كۇنالارىنان) تازارتپايدى، سوندىقتان ولار وتە اۋىر ازاپقا دۋشار بولادى. ولار: ءشول دالادا قاجەتىنەن ارتىق اۋىز سۋى بولا تۇرا، ونى وزگە جولاۋشىلاردان اياعان ادام. كەشكى بازارعا شىعىپ، ساتىپ الۋشىنى: «اللانىڭ اتىمەن انت ەتەيىن! ءوزىم مۇنى مىنانشا باعاعا ساتىپ العان ەدىم» دەپ سەندىرىپ، دۇنيەسىن الداپ وتكىزگەن ادام.

سونداي اق، ەل بيلەگەن باسشىنىڭ الدىندا قارا باسىنىڭ پايداسى ءۇشىن «ساعان ادال بولامىن» دەپ انت قابىلداپ، كەيىن الگى باسشىنىڭ شاراپاتى تيسە ۋادەسىندە تۇرىپ، ەشبىر جاقسىلىعىن كورمەسە، سەرتىنەن تايعان ادام»، - دەپ ايتتى»، - دەگەن. (بۇحاري، ءشاھادات 22/ احكام 48؛ مۋسليم، يمان 171).