ايدار ماحمەتوۆ: بۇگىن ەلدوس سمەتوۆ ريودا كۇمىس الۋى مۇمكىن
ونىڭ ايتۋىنشا، بۇگىن جەڭىل سالماقتاعى ءبىزدىڭ دزيۋدوشىلارىمىزدىڭ مۇمكىندىگى مول.
«ەرلەر اراسىندا 60 كەلى سالماقتا ەلدىڭ نامىسىن الەم جانە ازيا چەمپيونى ەلدوس سمەتوۆ قورعايدى. مەنىڭشە، جەرەبە تارتۋدا ونىڭ اسىعى الشىسىنان ءتۇستى. ول شيرەك فينالعا دەيىن ەش قيىندىقسىز جەتەدى، وسىدان كەيىن ءوزىنىڭ نەگىزگى قارسىلاسى، ياعني وزبەك سپورتشىسى ۋروزبويەۆپەن شاعىدا. ونىڭ توپ بولىگىنىڭ جوعارى بولىمىندە برازياليالىق كيتاداي مەن ازەربايجاندىق سافاروۆ توپ جارۋى مۇمكىن. جاپوندىق تاكاتو، كورەيلىك كيم جانە گۇرجى پاپيناشۆيلي باسقا توپ بولىگىندە. سمەتوۆكە وليمپيادانىڭ «كۇمىسى» بۇيىرادى دەپ بولجاپ وتىرمىن»، - دەپ جازدى ا. ماحمەتوۆ ءوزىنىڭ Facebook-گى پاراقشاسىندا.
ونىڭ باعالاۋى بويىنشا ايەلدەر اراسىندا 48 كەلى سالماقتا جەرەبە تارتۋدا ءبىزدىڭ گالبادراح وتگونتسەتسەگتىڭ ءبىرشاما جولى بولدى.
«وعان 1/4 جارىسىنا شىعۋى ءۇشىن ءالسىز قارسىلاسىنان تەك 1 جەكپە-جەكتى جەڭۋى كەرەك. سودان كەيىن ول جاپوندىق كوندومەن تارتىسقا ءتۇسۋى مۇمكىن. جەڭىلگەن كۇننىڭ وزىندە وتگونتسەتسەگتە «قولانى» الۋعا بارشا مۇمكىندىكتەر بار»، - دەپ قوستى ول.
بۇدان بولەك، ا. ماحمەتوۆ ەلىمىزدىڭ ۆەلوسپورتشىلارى مەن بوكسشىلارىنا دا توقتالىپ وتكەن.
«باحتيار قوجاتايەۆ پەن اندرەي زەيتس قاتىسىپ وتىرعان توپتىق شوسسەلىك ۆەلوجارىستا العاشقى «وندىققا» كىرۋ تۇرعىسىندا ەرەكشە پەرسپەكتيۆالاردى كورىپ تۇرعانىم جوق. سونىمەن قاتار، 48 كەلى سالماقتا زىلتەمىرشى مارگاريتا ەليسەيەۆادا مەدال الۋ مۇمكىندىگىن بايقاپ وتىرعانىم جوق. مەنىڭ ويىمشا، 60 كەلى سالماقتا امەريكالىق قارسىلاسىن ءبىرىنشى دوداسىندا ءبىزدىڭ بەرىك ابدراحمانوۆ جەڭەتىن بولادى»، - دەپ ءتۇيدى ول.
اۆتور: رۋسلان عابباسوۆ
