شاحيزاداعا بەلگىسىز بىرەۋلەر قاستاندىق جاسادى

استانا. قازاقپارات - ءانشى شاحيزادانى بەلگىسىز بىرەۋلەر سۋىق قارۋمەن قورقىتىپ، قاستاندىق جاساماق بولعان. بۇل تۋرالى 31 - ارنا حابارلايدى.

كۇزدە بولاتىن جەكە كونسەرتىنە دايىندالىپ جاتقان ءانشى شاحيزاداعا قاستاندىق جاسالىپتى. ءانشىنىڭ ايتۋىنشا، بەلگىسىز بىرەۋلەر ونىڭ جاقىندا وتەتىن شىعارماشىلىق كەشىنە كەدەرگى جاساپ جۇرگەن سىڭايلى. وقيعا ءۇيىنىڭ ماڭىنداعى كولىك تۇراعىندا بولعان. ءتىپتى، سۋىق قارۋ دا كەزەگەن.

 ءانشى «قازاقستان» اتتى جاڭا انىنە بەينەبايان ءتۇسىرىپ جۇمىسىن جالعاستىرۋدا. بۇل جولى الاتاۋ باۋرايىندا ورنالاسقان مەدەۋ مۇز ايدىنىن تاڭداعان ەكەن. شاحيزادا ءاندى جالعىز ءوزى ورىندامايدى. جاس ءانشى ءىلياس بايبوسىنوۆپەن بىرىگىپ جازعان. شىعىندارىن دا بىرىگىپ وتەيدى.

 شاحيزادا تانىمال بولعان سايىن وزىمەن بىرگە دۋەت ورىنداۋعا ىنتالى جاستاردىڭ كوبەيگەنىن جەتكىزدى. ءانشى تابيعات اياسىندا، اشىق اسپان استىندا تۇسىرگەن ءانبايانىن جازدىڭ سوڭىندا سۇيىكتى كورەرمەنىنە تارتۋ ەتپەك.