09:51, 06 - تامىز 2016 | GMT +5
پەرۋدىڭ جاڭا پرەزيدەنتى مينيسترلەردى جۇرتپەن بىرگە جاتتىعۋعا شىعاردى
استانا. قازاقپارات - پەرۋدىڭ جاڭا پرەزيدەنتى پەدرو پابلو كۋچينسكي مينيسترلەردى كوپشىلىكپەن بىرگە جاتتىعۋعا شىعاردى، دەپ حابارلادى Reuters.
جاتتىعۋ ۇكىمەت عيماراتىنىڭ جانىندا ءوتتى.
77 جاستاعى مەملەكەت باسشىسىنان باسقا اكسياعا مينيسترلەر كابينەتىنىڭ 19 مۇشەسىنىڭ 11 ى قاتىستى. ولاردى فيتنەس بويىنشا ەكى باپكەر باسقاردى. جاتتىعۋ جۇرتشىلىقتىڭ كوڭىلىن كوتەرگەنى اتاپ وتىلەدى.
تاياۋدا بولعان كۋچينسكيدىڭ سايلاۋ ناۋقانى ۋاقىتىندا ونىڭ دەنساۋلىعى مەن جاسىنا قاتىستى سۇراقتار كوپ بولعان. ەندى مەملەكەت باسشىسى ءار سارسەنبى سايىن مينيسترلەرىمەن بىرگە جاتتىعۋ وتكىزىپ تۇرۋعا ۋادە بەردى.
پەرۋ پرەزيدەنتى ەلدىڭ جارتىسىنان كوبى ارتىق سالماقتان زارداپ شەگەتىندىكتەن، دەنە جاتتىعۋىن جارنامالاعىسى كەلەتىنىن ءمالىم ەتتى.
