09:25, 06 - تامىز 2016 | GMT +5
قىتايدا مىڭداعان روبوتتار بيلەدى - ۆيدەو
استانا. قازاقپارات - قىتايداعى شاندۇڭ پروۆينسياسىندا 1007 سينحروندى بيلەگەن روبوتتار الەم رەكوردىن ورناتتى.
بۇل ەرەكشە وقيعانىڭ ۆيدەوجازباسى Guinness World Records YouTube-ارناسىندا جاريالاندى.
بيىكتىگى 43,8 سانتيمەترلىك ماشينالار ءبىر ۇيالى تەلەفونعا ورناتىلعان باعدارلاما ارقىلى باسقارىلدى. ءبي ءبىر مينۋتقا سوزىلدى.
بۇدان بۇرىنعى ءبىر ۋاقىتتا بيلەگەن روبوتتار سانى بويىنشا رەكورد تا قىتايدا تىركەلگەن بولاتىن. ونى UBTECH Robotics كورپوراتسياسىنىڭ 540 روبوتى ورناتقان ەدى.
