ريوداعى قازاقستان باسپا ءسوز ورتالىعى جارقىن جەڭىستەرمەن ءسۇيىنشى سۇرايتىن ورتالىققا اينالادى - ق ر مادەنيەت جانە سپورت ءمينيسترى
بۇگىن تۋرالى كەشە ريو- دە- جانەيرو قالاسىندا اشىلعان قازاقستان باسپا ءسوز ورتالىعىنا جۋرناليستەرمەن كەزدەسكەن ق ر مادەنيەت جانە سپورت ءمينيسترى ارىستانبەك مۇقامەدي ۇلى ءمالىم ەتتى.
بۇل تۋرالى ريودا جۇرگەن قازاقپارات ءتىلشىسى حابارلايدى.
«ءبىزدىڭ ريودا ەل نامىسىن قورعايتىن اتلەتتەرىمىز ەڭ تاڭداۋلى، تالاي سىننان سۇرىنبەي جولدامانى جەڭىپ العان سپورتشىلار. سوندىقتان، تورتكىل دۇنيە كوز تىگىپ وتىرعان باستى دودادا تابىستى ونەر كورسەتەدى دەگەن سەنىمدەمىن. سول ءۇشىن مىنە، برازيليادا "قازاقستان باسپا ءسوز ورتالىعىن" اشىپ وتىرمىز. بۇيىرسا، وسى ورتالىق سىزدەر مەن بىزدەر سپورتشىلارىمىزدىڭ جارقىن جەڭىستەرىمەن ەلدەن ءسۇيىنشى سۇرايتىن ورتالىققا اينالادى»، - دەپ اتاپ ءوتتى ق ر مادەنيەت جانە سپورت ءمينيسترى ا. مۇقامەدي ۇلى.
قازاق «جاقسى ءسوز جارىم ىرىس» دەپ جاتادى. ءمينيستردىڭ ايتقانى كەلىپ، سپورتشىلارىمىز تابىستى ونەر كورسەتسىن دەپ تىلەيىك.
اۆتور: كۇنسۇلتان وتارباي
