نۇرسۇلتان نازاربايەۆ تۇركيانىڭ زاڭدى ۇكىمەتىنە قولداۋ ءبىلدىردى

انكارا. قازاقپارات - تۇركيا - قازاقستان ءۇشىن ەڭ ماڭىزدى ستراتەگيالىق ارىپتەس، دەدى ق ر پرەزيدەنتى نۇرسۇلتان نازاربايەۆ ەكىجاقتى كەلىسسوز ناتيجەسى بويىنشا باسپا ءسوز كونفەرەنتسياسىندا.

«ءبىز باۋىرلاس ەلگە بىرلىك پەن تۇراقتىلىق تىلەيمىز. سوندىقتان، ەش كۇمانسىز تۇركيانىڭ زاڭدى ۇكىمەتىن قولدايمىن. جەدەل حاتىمدا وسىندا بولعان وقيعاعا قاتىستى ءوز پىكىرىمدى بىلدىرگەنمىن»، - دەدى ن. نازاربايەۆ.

مەملەكەت باسشىسى قازاقستان ءۇشىن تۇركيانىڭ ىشكى تۇراقتىلىعى مەن ءال- اۋحاتى وتە ماڭىزدى ەكەنىن اتاپ ءوتتى.

«جەكە كۇشتەردىڭ مەملەكەتتىك توڭكەرىس ۇيىمداستىرۋى ءبىزدى قاتتى الاڭداتتى. مۇندايدى ەش ۋاقىتتا قولداۋعا بولمايدى. قانشا ادام قازا تاۋىپ، قانشاسىنىڭ باسىنا قارا بۇلت ءۇيىرىلدى. قازا تاپقانداردىڭ وتباسىنا تەك ءوزىمنىڭ، قازاقستان حالقىنىڭ اتىنان قايعىرىپ كوڭىل ايتامىن. وسى ساپارىمدى ارنايى باۋىرىم ەردوعاندى جانە تۇرىك مەملەكەتىن قولداۋعا ارنادىم»، - دەپ قوستى ن. نازاربايەۆ.