قىتاي سۋ شارۋاشىلىعى مينيسترلىگى: ق ر مەن ق ح ر اراسىنداعى قاتىناس - وڭىردەگى ىنتىماقتاستىق ۇلگىسى
تاراپتار ترانسشەكارالىق سۋ رەسۋرستارىن پايدالانۋ سالاسىنداعى ەكى ەل اراسىنداعى ودان ءارى ىنتىماقتاستىقتىڭ پەرسپەكتيۆالارىن تالقىلادى. اتاپ ايتقاندا، ترانسشەكارالىق وزەندەردى قورعاۋ مەن پايدالانۋ تۋرالى ۇكىمەتارالىق كەلىسىمدى ىسكە اسىرۋ جولدارى مەن بىرلەسكەن كوميسسيانىڭ الدا وتەتىن 14- وتىرىسىنا دايىندىق ماسەلەسى تاقىلاندى.
«ەكى ەل اراسىنداعى جان- جاقتى ستراتەگيالىق ارىپتەستىك قاتىناس جوعارى دەڭگەيدە. ترانسشەكارالىق وزەندەردى ءبولۋ تۋرالى كەلىسىمدى كەلىسۋ جانە وعان قول قويۋ تۋرالى ۋاعدالاستىق ەكى ەلدىڭ تاتۋ كورشىلىك، دوستىق پەن ءوزارا تۇستىنىستىگىن دامىتۋعا مۇددەلى ەكەندىگىن بىلدىرەدى»، - دەپ اتاپ ءوتتى ش. نۇرىشيەۆ.
ءوز كەزەگىندە، جوۋ سيۋيەۋەن قازاقستان مەن قىتاي دوس كورشى جانە ستراتەگيالىق ارىپتەس بولىپ تابىلاتىنىن اتاپ ءوتتى.
«ەكى ەل اراسىنداعى قاتىناس وڭىرگە ىنتىماقتاستىق ۇلگىسى بولماق، ال 2015 -جىلى قىركۇيەكتە قول قويىلعان ق ر مەن ق ح ر اراسىنداعى جان- جاقتى ستراتەگيالىق ارىپتەستىكتىڭ جاڭا كەزەڭى تۋرالى بىرلەسكەن دەكلاراتسيا ءوزارا ءىس- ارەكەتتىڭ جاڭا كەزەڭى بولىپ تابىلادى»، - دەدى ول.
ترانسشەكارالىق وزەندەردى ءتيىمدى پايدالانۋ جانە قورعاۋ سالاسىنداعى ەكى ەل اراسىنداعى ۇزاق مەرزىمدى جانە جەمىستى ءوزارا ءىس- ارەكەتتى ورناتۋ ماقساتىندا قىتايلىق مامانداندىرىلعان جوعارى وقۋ ورىندارى بازاسىندا سۋ رەسۋرستارىن باسقارۋ سالاسىندا قازاقستاندىق مامانداردى دايىنداۋدا جانە ولاردىڭ بىلىكتىلىگىن ارتتىرۋدا ىنتىماقتاستىقتى رەتتەۋ تۋرالى ۋاعدالاستىققا قول جەتكىزىلدى.
