الماتى وبلىسىنداعى جول اپاتىندا قازا تاپقاندار اراسىندا ءۇش ادام ءبىر وتباسىدان

تالدىقورعان. قازاقپارات - الماتى- استانا تاس جولىنىڭ 32- شاقىرىمىندا 4 -تامىزدا ساعات 23.00 دە جول اپاتى ورىن الدى.

پوليتسيانىڭ الدىن الا دەرەكتەرىنە سايكەس Mitsubishi Galant كولىگى قارسى جولاققا شىعىپ كەتكەن. ءرۋلدى باسقارا الماعان Mitsubishi Galant كولىگىنىڭ جۇرگىزۋشىسى تويوتا كولىگىمەن سوقتىعىستى. اپات سالدارىنان التى ادام قازا تاپتى، ولاردىڭ ىشىندە ءبىر وتباسىدان - 13 جاسار ءجاسوسپىرىم، ونىڭ اجەسى مەن اعاسى بار.

قاراساي اۋدانىنىڭ 21 جاستاعى تۇرعىنى، الماتى قالاسى ج و و- لارىنىڭ ءبىرىنىڭ ستۋدەنتى ءتۇرلى جاراقاتتارمەن قاسكەلەڭ اۋرۋحاناسىنا جەتكىزىلدى.