22:33, 05 - تامىز 2016 | GMT +5
برازيليا قازاقستاندى ب ۇ ۇ قاۋىپسىزدىك كەڭەسىنە سايلانۋىمەن قۇتتىقتادى
استانا. قازاقپارات - ريو- دە جانەيرودا وليمپيادالىق ويىنداردىڭ اشىلۋ راسىمىندە قازاقستان اتىنا ديپلوماتيالىق ارنالار بويىنشا ءوڭىردىڭ ازيالىق- تىنىق مۇحيتى توبىنان 2017-2018 -جىلدارى ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە قازاقستاننىڭ سايلانۋىنا بايلانىستى فەدەراتيۆتىك برازيليا رەسپۋبليكاسى اتىنان قۇتتىقتاۋ كەلىپ ءتۇستى.
«قازاقستاننىڭ تۇراقتى ەمەس مۇشەلىگىنە سايلانۋى - حالىقارالىق قوعامداستىقتىڭ سەنىم ءبىلدىرۋى، مەملەكەتتىڭ ءرولىن تانۋى، اسىرەسە پرەزيدەنت نۇرسۇلتان نازاربايەۆتىڭ بىتىمگەرلىك قىزمەتىن دامىتۋدا، ديپلوماتيالىق كەلىسسوزدەر ارقىلى داۋ-دامايدى شەشۋدە، قارۋسىزدانۋ جانە يادرولىق قارۋدى تاراتپاۋدا، سونداي-اق ۇلتتار مەن دىندەردىڭ بەيبىت قاتىناسىن قامتاماسىز ەتۋدە جەكە قوسقان ۇلەسىنىڭ جەمىسى. قازاقستان رەسپۋبليكاسى وسىلاردىڭ بارىندە وڭ قىرىنان ۇلگى بولا ءبىلدى»، - دەلىنگەن قۇتتىقتاۋ جولداۋىنىڭ ماتىنىندە.
«برازيليا ۇكىمەتى قازاقستانعا ب ۇ ۇ ق ك- دەگى جۇمىسىنا ساتتىلىك تىلەي وتىرىپ، قاۋىپسىز بەيبىت قاۋىمداستىق قۇرۋدىڭ نەگىزگى جولى رەتىندە كوپ جاقتى قاتىناستاردى دامىتۋدى قولدايتىنىن ءبىلدىردى»، - دەلىنگەن قۇتتىقتاۋدا.
