قانات يسلام الماتىدا وتەتىن «ۋنيۆەرسيادانىڭ سپورتتىق ەلشىسى» اتانباق
قالا اكىمى الماتىدا 2017 -جىلى بۇكىل الەمدىك قىسقى ۋنيۆەرسيادا وتەتىندىگىن، قالانىڭ قازىر قىزۋ دايىندىق ۇستىندە ەكەنىن اتاپ ءوتتى.
«ءبىزدىڭ مىندەت - الەم كوز تىگەتىن سپورتتىق جارىستى بارىنشا جوعارى دەڭگەيدە وتكىزۋ. وسىعان وراي، ناقتىلى شارالار جوسپارلارى جاسالعان. سونىڭ ءبىرى رەتىندە «ۋنيۆەرسيادانىڭ سپورتتىق ەلشىسى» دەگەن قوعامدىق قىزمەتتى ەنگىزىپ وتىرمىز. وعان ءسىزدىڭ كانديداتۋراڭىزدى ۇسىنباقپىز. ويتكەنى، ءسىز جانقيارلىق ەڭبەگىڭىزدىڭ ارقاسىندا سپورتتا الەمدىك دەڭگەيگە كوتەرىلگەندەردىڭ ءبىرىسىز. ءبىز ءسىزدى ماقتان تۇتامىز! جەكپە-جەكتە جەڭىسكە جەتىپ، الەم چەمپيونى بولۋىڭا تىلەكتەسپىن»، - دەدى باۋىرجان بايبەك.
سونىمەن قاتار، قالا باسشىسى ۇستىمىزدەگى جىلدىڭ 29 -قازانىندا الماتىدا كاسىپقوي بوكسشىنىڭ WBA (Interim) تۇجىرىمى بويىنشا الەم چەمپيونى اتاعى ءۇشىن وتكىزەتىن جەكپە-جەگىنە قولداۋ كورسەتەتىنىن ايتتى.
