كارىم ءماسىموۆ اقمولا وبلىسىنىڭ جاستارىمەن ءبىرقاتار وزەكتى ماسەلەلەردى تالقىلادى
دەپ حابارلادى www.pm.kz.
وقۋ ورنى 1979 - جىلى اشىلعان. 2013 - جىلدان باستاپ كوللەدج «ستەپنوگور ەپك» ا ق- ىمەن بىرىگىپ دۋالدى وقىتۋ بويىنشا تاجىريبە تۇرىندە جۇمىس ىستەپ كەلەدى. وقۋ ورنىندا توكارلىق ءىس جانە مەتالل وڭدەۋ ماماندىقتارى بويىنشا بىلىكتى جاستار، ونەركاسىپتەگى ەلەكترومەحانيكالىق جابدىقتار بويىنشا كاسىبي ماماندار دايارلانادى. ال 2015 -جىلدان باستاپ ماشيناجاساۋ تەحنولوگياسى ماماندىعى بويىنشا وقىتادى.
ك. ءماسىموۆ كوللەدجدىڭ وقۋ كورپۋسىن ارالادى. ءبىلىم مەكەمەسىنىڭ ديرەكتورى ە. كراينيەۆا ونى ي ي د م ب ءۇشىن كادرلار دايارلاۋدىڭ وقۋ ۇردىسىمەن تانىستىردى. بۇدان سوڭ پرەمەر- مينيستر قالا جاستارىمەن كەزدەسىپ، وزەكتى ماسەلەلەردى، اتاپ ايتقاندا، جۇمىسپەن قامتۋ بويىنشا ماسەلەلەردى دوڭگەلەك ۇستەل باسىندا تالقىلادى.
كەزدەسۋ بارىسىندا كوتەرىلگەن وزەكتى ماسەلەلەردىڭ قاتارىندا «ديپلوممەن اۋىلعا» باعدارلاماسى بويىنشا جىبەرىلگەن جاس ماماندار ءۇشىن كوتەرمە اقى كولەمىن ارتتىرۋ، جوعارى سىنىپ وقۋشىلارى ءۇشىن دەمالىس ۋاقىتىندا ۋاقىتشا ەڭبەكپەن قامتۋ باعدارلاماسىن ەنگىزۋ، جاستار كاسىپكەرلىگىن ۇيىمداستىرىپ، قولداۋ، قۇرىلىس جاساقتارى ءتارىزدى جۇمىسقا ورنالاستىرۋ تۇرىلەرىن قولداۋ جانە ت. ب. ماسەلەلەر بولدى.
ك. ءماسىموۆ «جاستار ءىس- تاجىريبەسى»، «جۇمىسپەن قامتۋ-2020»، «ديپلوممەن اۋىلعا»، سونداي- اق «جاسىل ەل» باعدارلامالارى ارقىلى ۇكىمەتتىڭ جاس مامانداردى ەڭبەككە ورنالاستىرۋعا ىقپال ەتەتىنىن اتاپ ءوتتى.
مەملەكەت باسشىسىنىڭ تاپسىرماسى بويىنشا جاستار ساياساتى ماسەلەلەرى قازاقستان ۇكىمەتىنىڭ ەرەكشە باقىلاۋىندا. پرەمەر- مينيستر جامبىل وبلىسىندا تامىز ايىنىڭ سوڭىندا مەملەكەتتىك جاستار ساياساتىن جۇزەگە اسىرۋ ماسەلەلەرى بويىنشا كەڭەس وتكىزۋدى جوسپارلاۋدا ەكەنىن ايتتى.
ەسكە سالا كەتەيىك، قازاقستاندا 14 جاستان 29 جاسقا دەيىنگى جاستار ەل حالقىنىڭ جالپى سانىنان % 24,1 نەمەسە 4 ميلليون 206 مىڭ ادامدى قۇرايدى. ونىڭ ىشىندە 2,5 ميلليون جاس حالىقتىڭ ەكونوميكالىق بەلسەندى بولىگىنە جاتادى، ياعني ەل ەكونوميكاسىندا قامتىلعان دەپ سانالادى.
جاستاردى ەڭبەككە ورنالاستىرۋعا ۇكىمەت «جاستار ءىس- تاجىريبەسى»، «جۇمىسپەن قامتۋ-2020»، «ديپلوممەن اۋىلعا»، «سەرپىن-2050»، سونداي- اق «جاسىل ەل» باعدارلامالارى ارقىلى ىقپالىن تيگىزەدى.
بيىلعى جىلدىڭ 1 - شىلدەسىندەگى جاعداي بويىنشا «جۇمىسپەن قامتۋ-2020» باعدارلاماسىمەن 78,4 مىڭ ادام قامتىلعان، ونىڭ ىشىندە 29 جاسقا دەيىنگى جاستار - 36,2 مىڭ، بۇل 2015 -جىلدىڭ وسى كەزەڭىمەن سالىستىرعاندا 13 مىڭ ادامعا (2015 -جىلى - 23,2 مىڭ جاس (41,8%) كوپ.
جىل باسىنان بەرى الەۋمەتتىك جۇمىس ورىندارى مەن جاستار ءىس- تاجىريبەسىنە 13,2 مىڭنان استام جاس جىبەرىلگەن (2015 -جىلى - 7 مىڭ جاس).
