11:15, 05 - تامىز 2016 | GMT +5
قازاقستاندىق تەننيسشى گالينا ۆوسكوبويەۆا وليمپيادا تۋرنيرىندە جەكەلەي سىنعا قاتىسۋدان باس تارتتى
استانا. قازاقپارات - قازاقستاندىق تەننيسشى گالينا ۆوسكوبويەۆا وليمپيادالىق تۋرنيردە جەكەلەي سىنعا قاتىسۋدان باس تارتتى.
«بۇل مەن قابىلداۋعا تۋرا كەلگەن ەڭ قيىن شەشىم بولدى... ءبىراق جاراقاتىما بايلانىستى، وليمپيادا ويىندارىندا جەكەلەي سىنعا قاتىسۋدان باس تارتۋعا تۋرا كەلدى.
وزەكتى ورتەيتىن وكىنىش، ءبىراق مەن ەشنارسەنى وزگەرتە المايمىن. مەن بۇرىنعىداي ياروسلاۆامەن جۇپ بولىپ شىعامىن. ءبىر قۋانتارى، مەنەن كەيىن تىزىمدە يارا تۇر، ياروسلاۆا مەنىڭ ورنىمدى باساتىن بولدى. جەكەلەي سىندا دا قازاقستاندىق سپورتشىعا داۋىس بەرە الاسىزدار!»، - دەپ جازدى گ. ۆوسكوبويەۆا ءوزىنىڭ Instagram پاراقشاسىنا.
31 جاستاعى ۆوسكوبويەۆانى 28 جاستاعى ياروسلاۆا شۆەدوۆا الماستىرادى. ونىڭ العاشقى اينالىمداعى قارسىلاسى جاپوندىق ميساكي دوي بولماق.
