ورتالىق ازيا مەن ا ق ش اراسىنداعى ىنتىماقتاستىق
اتالعان كەزدەسۋ 3 - تامىز كۇنى ۆاشينگتون قالاسىندا «С5+1» فورماتىندا ءوتتى.
«ورتالىق ازيا ەلدەرىنىڭ ا ق ش- پەن ديپلوماتيالىق قاتىناستارىن ورناتۋعا 25 جىل تولۋىن مەرەكەلەۋ جىلىندا بولعان كەزدەسۋ قاۋىپسىزدىكتىڭ، ەكونوميكالىق دامۋ مەن قورشاعان ورتانى قورعاۋدىڭ وزەكتى ماسەلەلەرىن، سونداي- اق ءوڭىر ەلدەرىنىڭ قاتىسۋىمەن ەكىجاقتى جانە كوپجاقتى ءوزارا ءىس- قيمىل جاساسۋدى نىعايتۋ جولدارىن تالقىلاۋعا ارنالدى» - دەلىنگەن حابارلامادا.
اتاپ ايتقاندا، كەزدەسۋدە قازاقستاننىڭ، قىرعىزستاننىڭ، تاجىكستاننىڭ، تۇركىمەنستاننىڭ، وزبەكستاننىڭ جانە ا ق ش- تىڭ سىرتقى ساياسي ۆەدومستۆولارىنىڭ باسشىلارى وڭىرلىك ەكونوميكالىق ىنتىماقتاستىقتى، ورتالىق ازيانىڭ كولىكتىك، لوگيستيكالىق جانە ەنەرگەتيكالىق الەۋەتىن دامىتۋدى، اۋعانستانداعى جاعدايدى تۇراقتاندىرۋ بويىنشا حالىقارالىق كۇش- جىگەر جۇمساۋ تۇرعىسىنان وڭىرلىك قاۋىپسىزدىكتى نىعايتۋ تاقىرىبىن تالقىلادى.
كەزدەسۋگە قاتىسۋشىلار شوب- تى قولداۋ، جەرگىلىكتى تاۋار وندىرۋشىلەردىڭ باسەكەگە قابىلەتتىلىگىن ارتتىرۋ، ىشكى وڭىرلىك ساۋدا توسقاۋىلدارىن تومەندەتۋ، جاھاندىق كليماتتىڭ وزگەرۋى سالدارىنا قارسى كۇرەسۋ، كولىكتى جانە لوگيستيكانى، التەرناتيۆتى ەنەرگيا كوزدەرىن دامىتۋ، جالپى ەكونوميكالاردىڭ ەنەرگيالىق تيىمدىلىگىن ارتتىرۋ، كليمات جونىندەگى پاريج كەلىسىمى شەڭبەرىندە ۇلتتىق مىندەتتەمەلەردى ىسكە اسىرۋ بويىنشا كۇش- جىگەردى ۇيلەستىرۋ، حالىقارالىق تەرروريزمگە قارسى كۇرەستە ءوڭىر ەلدەرىنىڭ ۇلەسىن نىعايتۋ سالاسىندا جالپى قۇنى 15 ميلليون ا ق ش دوللارى بولاتىن ءبىرقاتار ناقتى جوبالاردى ماقۇلدادى.
ە. ىدىرىسوۆ «س5+1» ديالوگى ءوڭىر مەن ا ق ش ەلدەرى اراسىنداعى ىنتىماقتاستىقتى نىعايتۋدىڭ نەگىزگى ەلەمەنتى بولۋى مۇمكىن ەكەندىگىن ايتتى.
بۇدان باسقا، ۆاشينگتونداعى ءىس- شارالار الاڭىندا ە. ىدىرىسوۆ جانە دج. كەرري اعىمداعى جاي- كۇي جانە ءوزارا ءىس- قيمىل جاساسۋدىڭ نەگىزگى باعىتتارى بويىنشا قازاقستان مەن ا ق ش ىنتىماقتاستىعىن ودان ءارى نىعايتۋ پەرسپەكتيۆالارى بويىنشا پىكىر الماستى.
سول كۇنى ە. ىدىرىسوۆتىڭ ا ق ش ەنەرگەتيكا ءمينيسترى ەرنەست مونيزبەن كەزدەسۋى بولدى. قاتىسۋشىلار ەكى تاراپتىڭ ەنەرگەتيكالىق قاۋىپسىزدىگى، ەكولوگيالىق تازا جانە جاڭارتىلاتىن ەنەرگيا كوزدەرىن دامىتۋ سالاسىنداعى ءوزارا ءىس- قيمىل جاساسۋىن جانە «ەكسپو-2017-گە» ا ق ش- تىڭ قاتىسۋىن تالقىلادى.
«ەكسپو-2017» تاقىرىبى ە. ىدىرىسوۆتىڭ امەريكالىق بيزنەس الدىنداعى تاقىرىپتىڭ ءبىرى بولدى. قازاقستاندىق سىرتقى ساياسي ۆەدومستۆو باسشىسى ىسكەرلىك توپتاردى كورمەنىڭ ماقساتتارى مەن مىندەتتەرى، وعان ا ق ش- تىڭ قاتىسۋىنىڭ الەۋەتتى پايداسى تۋرالى حاباردار ەتتى.
«امەريكالىق كومپانيالار وڭىردەگى وسى ءىرى حالىقارالىق ءىس- شاراعا، سونداي- اق ەلدەر اراسىنداعى ىسكەرلىك جانە ينۆەستيتسيالىق بايلانىستاردى كەڭەيتۋگە پەرسپەكتيۆالىق باعىتتارعا ايتارلىقتاي قىزىعۋشىلىق تانىتتى»، - دەلىنگەن حابارلامادا.
مينيستر «ەكسپو-2017» بولاشاق مۇراسىنىڭ شەتەلدىك بيزنەس ءۇشىن ماگنيت جانە «دۋباي» مودەلى بويىنشا داميتىن ءوڭىردىڭ ەكونوميكالىق حابى بولۋى ءتيىس «استانا» حالىقارالىق قارجى ورتالىعىن، ب ۇ ۇ ب ا 70-سەسسياسىندا مەملەكەت باسشىسى باستاماشىلىق جاساعان ب ۇ ۇ قامقورلىعىندا جاسىل تەحنولوگيالار ترانسفەرتىن قۇرۋ تۇرىندەگى ءمانىن جەكە اتاپ ءوتتى.
ورتالىق ازيا ەلدەرىنىڭ ا ق ش- پەن ديپلوماتيالىق قاتىناستارىن ورناتۋعا 25 جىل تولۋىن مەرەكەلەۋ شەڭبەرىندە قوناقتارعا ءوڭىر ەلدەرىنىڭ مادەنيەتى مەن ءداستۇرىنىڭ بايلىعى مەن ءارتۇرلىلىگى ۇسىنىلعان امەريكالىق، رەسمي، ىسكەرلىك جانە قوعامدىق توپتارىنىڭ قاتىسۋىمەن رەسمي قابىلداۋ بولدى.
