مەن قازاقستاندى گەننادي گولوۆكين ارقىلى بىلەمىن - ا ق ش ءتىلشىسى

ريو- دە- جانەيرو. قازاقپارات - مەن قازاقستاندى گەننادي گولوۆكين ارقىلى بىلەمىن. بۇل تۋرالى بۇگىن قازاقپارات تىلشىسىنە ريو- دە- جانەيرو وليمپياداسىنا ا ق ش- تان كەلگەن جۋرناليست ءمالىم ەتتى.

وليمپيادالىق قالاشىقتا قازاقستان تىلشىلەرىنەن بولەك، وزگە دە ەلدەردەن كەلگەن جۋرناليستەر دە قىزۋ جۇمىس جاساپ جاتىر.

 بۇگىن ۇستىمىزدەگى كيىپ جۇرگەن فورمامىزدان قازاقستان ازاماتى ەكەنىمىزدى بىلگەن ءبىر جۋرناليست الدىمىزدان شىعىپ، «سىزدەر قازاقستاننان كەلدىڭىزدەر مە؟»  دەپ سۇرادى. ءيا دەپ باسىمىزدى يزەدىك. ول وسى كەزدە «گەنناديي گولوۆكين» دەپ باس بارماعىن كورسەتتى. سونداي- اق، «مەن قازاقستاندى گەننادي گولوۆكين ارقىلى جاقسى بىلەمىن» دەپ اتاپ ءوتتى ول.

قالتاسىنان قول تەلەفونىن الىپ شىعىپ، ءبىزدىڭ گەنامەن بىرگە تۇسكەن سۋرەتتەرىن كورسەتتى. سونىمەن بىرگە ءارقاشان دا گەنناديگە جانكۇيەر ەكەنىن ايتتى.

اۆتور: كۇنسۇلتان وتارباي