قازاقستاندىق بوكسشىلاردىڭ وليمپياداداعى العاشقى قارسىلاستارى بەلگىلى بولدى

ريو- دە- جانەيرو. قازاقپارات - بۇگىن برازيليانىڭ ريو- دە جانەيرو قالاسىندا بوكستان وليمپيادا ويىندارىنىڭ جەرەبەسى تارتىلىپ، قازاق بوكسشىلارىنىڭ العاشقى قارسىلاستارىنىڭ ەسىمدەرى بەلگىلى بولدى.

49 كەلى:

ءبىرجان جاقىپوۆ ءبىرىنشى اينالىمدا تەر شىعارماي، ەكىنشى كەزەڭدى كۇتەتىن بولدى. ەكىنشى اينالىمدا ازەربايجان مەن نامبيا بوكسشىلارى اراسىنداعى جەكپە- جەكتىڭ قاي جەڭگەنى جەرلەسىمىزگە قارسىلاس اتانادى.

52 كەلى:

ولجاس ساتتىبايەۆ العاشقى اينالىمدا پۋەرتو- ريكو بوكسشىسىمەن قولعاپ تۇيىستىرەدى. ول العاشقى اينالىمدا قارسىلاسىنان ايلاسىن اسىرسا، ەكىنشى جەكپە- جەگىندە الەم چەمپيونى ازەربايجاندىق ەلۆين ماميشزاعا قارسى جۇدىرىقتاسادى.

56 كەلى:

قايرات ەراليەۆ ءبىرىنشى اينالىمداعى قارسىلاسى ازەربايجاندىق جاۆيد چالابيەۆ. ەكىنشى جەكپە- جەگىندە وزبەك بوكسشىسى مۋرودجان احماديليەۆپەن قولعاپ تۇيىستىرەدى.

60 كەلى:

بەرىك ءابدىراحمانوۆتىڭ ءبىرىنشى قارسىلاسى ا ق ش- تىڭ وعىلانى كارلوس بالدەراس. ەگەر ءبىرىنشى اينالىمنان سۇرىنبەي وتسە جاپون نەمەسە ۆەنەسۋەلانىڭ بوكسشىسىمەن شارشى الاڭدا كەزدەسەدى. ال شيرەك فينالدا ءۇش دۇركىن الەم چەمپيونى كۋبالىق لازارو الۆارەس كەزدەسۋى مۇمكىن.

64 كەلى:

ابىلايحان ءجۇسىپوۆ العاشقى اينالىمدا اعىلشىن پات ماككورموكپەن جۇدىرىقتاسادى. ەگەر وسى سىننان سۇرىنبەي وتسە، ەكىنشى اينالىمدا وليمپيادا ويىندارىنىڭ جۇلدەگەرى ياسنيەل تولەدومەن جەكپە- جەككە شىعۋى مۇمكىن.

69 كەلى:

 دانيار ەلەۋسىنوۆ ءبىرىنشى اينالىمدا بوس. ەكىنشى اينالىمدا ول ەگيپەت جانە  ۇلى بريتانيا بوكسشىلارىنىڭ قاي جەڭگەنىمەن قولعاپ تۇيىستىرەدى. وسى ورايدا ايتا كەتەيىك، دانيارعا جەرەبە جولداس بولدى. شيرەك جانە جارتىلاي فينالداردا يتاليا جانە گەرمانيا، ۆەنەسۋەلا مەن مەكسيكا بوكسشىلارىنىڭ بىرىمەن جولىعۋى ءتيىس.

ولاي دەيتىنىمىز، دوحاداعى الەم چەمپيوناتىنىڭ فينالىندا ونى جەڭگەن ماروككولىق موحاممەد رابي مەن وليمپيادا ويىندارىنىڭ جۇلدەگەرى، رەسەيلىك اندرەي زامكوۆوي ەكىنشى سەبەتكە ءتۇستى.

75 كەلى:

جانىبەك ءالىمحان ۇلى ءبىرىنشى اينالىمدا ۇلى بريتانيالىق بوكسشى ەنتوني فاۋلەرمەن جۇدىرىقتاسادى. ەكىنشى اينالىمدا الجير جانە كامەرۋن بوكسشىلارى اراسىنداعى جەڭىمپازبەن شارشى الاڭدا جولىعادى.

81 كەلى:

ادىلبەك نيازىمبەتوۆ العاشقى اينالىمدا بوس. شيرەك فينالدا ۋكراينا جانە ازەربايجان بوكسشىلارىنىڭ بىرىمەن جولىعادى.

91 كەلى:

ۆاسيلي ليەۆيت العاشقى اينالىمدا بوس. كەلەسى قارسىلاسى قىتايلىق بوكسشى بولۋى مۇمكىن. ال كۋبالىق ەريسلاندي ساۆونمەن تەك جارتىلاي فينالدا كەزدەسۋى مۇمكىن.

+91 كەلى:

يۆان دىچكو العاشقى اينالىمدا بوس. ال ەكىنشى اينالىمدا ازەربايجاندىق مەدجيدوۆپەن جولىعۋى مۇمكىن.

قىزدار:

51 كەلى:

جاينا شەكەربەكوۆا جارىستى شيرەك فينالدان باستايدى. شىمكەنتتىك بوكسشى جارتىلاي فينالدىڭ جولداماسىن ماروككو مەن فرانسيانىڭ بۇرىمدى بوكسشىلارىنىڭ اراسىنداعى جەڭىمپازبەن ساراپقا سالادى.

75 كەلى:

داريعا شاكىموۆا ءبىرىنشى اينالىمدا كانادالىق بوكسشىمەن كەزدەسە، شيرەك فينالدا ماروككولىقپەن قولعاپ تۇيىستىرەدى.

 ەستەرىڭىزگە سالا كەتەيىك، ريودا قازاق بوكسشىلارى تامىزدىڭ 6- كۇنى شارشى الاڭعا شىعا باستايدى. وسى كۇنى ساعات جەرگىلىكتى ۋاقىتپەن 11:00-دە (استانا ۋاقىتى بويىنشا 20:00) 60 كەلى سالماقتا ءبىرىنشى بولىپ شارشى الاڭعا ب. ءابدىراحمانوۆ شىعادى. ال 17:00-دە (استانادا 7 - تامىز، 02:00 بولادى) 81 كەلى سالماقتاعى بوكسشىمىز ءا. نيازىمبەتوۆ پەن 91 كەلى سالماقتاعى ۆ. ليەۆيتتىڭ ونەرىن تاماشالاي الامىز.

جارىستىڭ ەكىنشى كۇنى 7 - تامىزدا 11:00-دە (استانا ۋاقىتىمەن 20:00) وسىمەن وليمپياداعا ءۇشىنشى رەت قاتىسقالى وتىرعان ەڭ جەڭىل سالماق - 49 كەلىدەگى ب. جاقىپوۆ ونەر كورسەتەدى. ال 17:00-دە (استانا ۋاقىتىمەن 8 - تامىز، 02:00) 81 جانە 91 كەلىدەگى بوكسشىلار سىنعا تۇسەدى.

 تامىزدىڭ 8- كۇنى 11:00-دە (استانادا 20:00) قازاقستان ۇلتتىق قۇراماسىنىڭ كوماندا كاپيتانى 69 كەلىدەگى د. ەلەۋسىنوۆتىڭ جەكپە- جەگىنە كۋا بولامىز. وسى كۇنى ساعات 17:00-دە (استانادا 9 - تامىز، 02:00) تاعى ءبىر باتىرىمىز ج. ءالىمحان ۇلى شارشى الاڭعا شىعادى.

 تامىزدىڭ 9- كۇنى 11:00-دە (استانادا 20:00) 60 كەلى سالماقتاعى بوكسشىلار اراسىنداعى ىرىكتەۋ جارىستارى وتەدى. ال 17:00-دە (استانا ۋاقىتىمەن 10 تامىز، 02:00) 75 كەلى سالماقتاعى بوكسشىلار مەن +91 كەلىدەگى بوكسشىلار اراسىنداعى جەكپە- جەكتەردى تاماشالايتىن بولامىز. بۇل كۇنى قازاق بوكسشىلارىنىڭ اراسىنداعى اسا اۋىر سالماقتاعى ي. دىچكو ونەر كورسەتەدى.

تامىزدىڭ 10- كۇنى ساعات 11:00-دە (استانادا 20:00) 49 كەلى سالماق دارەجەسىندەگى بوكسشىلاردىڭ شيرەك فينالدىق باسەكەلەرى باستالادى. وسى كۇنى ساعات 17:00-دە (استانا ۋاقىتىمەن 11 - تامىز، 02:00) قازاق بوكسشىلارىنان 56 كەلىدەگى ق. ەراليەۆ پەن 64 كەلىدەگى ا. ءجۇسىپوۆ شارشى الاڭعا شىعادى. سونداي- اق، 81 جانە 91 كەلى سالماقتاعى بوكسشىلار اراسىندا شيرەك فينالدىق باسەكەلەر وتەدى.

 تامىزدىڭ 11- كۇنى 56, 64, 69, جانە 81 كەلى سالماقتاعى بوكسشىلار اراسىندا ىرىكتەۋ سىندارى جالعاسادى. تامىزدىڭ 12- بوكستان قىزدار اراسىنداعى جەكپە- جەكتەر باستالادى. بۇل كۇنى ساعات 11:00-دە (استانادا 20:00) 51 كەلى سالماقتا ونەر كورسەتەتىن قارىنداسىمىز ج. شەكەربەكوۆانىڭ ونەرىن كورە الامىز. ال 13 - تامىزدا 11:00-دە (استانادا 20:00) 52 كەلى سالماقتا و. ساتتىبايەۆ شارشى الاڭعا شىعادى. وسى كۇنى ساعات 17:00-دە (استانا ۋاقىتىمەن 14 - تامىز، 02:00) 69 كەلىدەگى بوكسشىلار اراسىندا شيرەك فينالدىق دودالار، 91 كەلى سالماقتا جارتىلاي فينالدىق باسەكەلەر وتەدى. ال +91 كەلى سالماقتاعى بوكسشىلار اراسىندا ىرىكتەۋ ويىندارى ارى قاراي جالعاسىن تابادى.

تامىزدىڭ 14 - كۇنى ساعات 11:00-دە (استانادا 20:00) ەكىنشى بوكسشى قىزىمىز د. شاكيموۆا شىرشى الاڭعا كوتەرىلەدى. ال تامىزدىڭ 15- كۇنى ساعات 11:00-دە (استانادا 20:00) 52 جانە 75 كەلى سالماقتاعى بوكسشىلار اراسىندا ىرىكتەۋ ويىندارى جالعاسادى. 69 كەلىدە جارتىلاي فينالدىق ويىندار وتەدى.

 17:00-دە (استانا ۋاقىتىمەن 16 تامىز، 02:00) 91 كەلى سالماقتاعى بوكسشىلار اراسىندا فينالدىق ويىندار وتەدى. تامىزدىڭ 16- كۇنى بوكستان ايەلدەر اراسىندا 51 كەلى سالماقتان شيرەك فينالدىق جەكپە- جەكتەر وتەتىن بولادى. 17 - تامىز ساعات 14:00-دە (استانا ۋاقىتىمەن 23:00) 75 كەلى سالماقتاعى قىزداردىڭ شيرەك فينالدىق باسەكەلەرى بولادى. ال تامىزدىڭ 18- كۇنى ايەلدەر اراسىندا 51 كەلى سالماقتاعى بوكسشىلاردىڭ جارتىلاي فينالدىق جەكپە- جەكتەرى وتەدى.

19 - تامىزدا ساعات 14:00-دە (استانا ۋاقىتىمەن 23:00) 75 كەلى سالماقتاعى قىزدار جارتىلاي فينالدىق جەكپە- جەكتەرىن باستايدى. 20 - تامىزدا 14:00-دە (استانا ۋاقىتىمەن 23:00) 51 كەلى سالماقتاعى بوكسشى ارۋلار اراسىنداعى فينالدىق دودالار باستالادى. 75 كەلى سالماقتاعى قىزدار اراسىنداعى بوكسشىلاردىڭ فينالدىق جەكپە- جەكتەرى - 21 - تامىز ساعات 14:00-دە (استانا ۋاقىتىمەن 23:00) .

اۆتور: كۇنسۇلتان وتارباي