دۋباي اۋەجايىندا وقىس وقيعا ورىن الدى

استانا. قازاقپارات - دۋباي اۋەجايىندا ازاماتتىق قورعانىس باسقارماسىنىڭ ءبىر قىزمەتكەرى ءورت ءسوندىرۋ كەزىندە كوز جۇمعان.

 3 - تامىزدا ءۇندىستاننان ۇشىپ كەلگەن لاينەر قونار كەزدە وتقا ورانىپ، ءبىر جاعىنا قيسايىپ توقتاعان ەدى. Emirates Airlines اۋە كومپانياسىنا تيەسىلى ۇشاق بورتىندا بولعان 282 جولاۋشى مەن 18 ەكيپاج مۇشەسى قاۋىپسىز جاققا 45 سەكۋند ىشىندە كوشىرىلگەن. وكىنىشكە قاراي، 10 ادام جاراقات الىپ، اۋرۋحاناعا ءتۇستى. دۋباي اۋەجايى وسى وقىس وقيعاعا بايلانىستى 6 ساعاتقا جابىلىپ، بارلىق رەيستەر ءال- ماكتۋم اۋەجايىنا جىبەرىلدى.

 24.kz