پاۆلوداردا بانك قىزمەتكەرى كليەنتتەردىڭ ەسەپشوتىنان وزىنە زاڭسىز اقشا اۋدارعان
ول بانكتە ازاماتتاردىڭ نەسيە بويىنشا قارىزدارىن ءوندىرۋ قىزمەتىمەن اينالىسقان، دەپ حابارلايدى pavlodarnews.kz.
پاۆلودار قالاسىنىڭ ءى ءى ب ورتالىق بولىمشەسىنىڭ قىزمەتكەرلەرى بانك فيليالدارىنىڭ بىرىندە جىگىتتىڭ اقشا ۇرلاۋمەن اينالىسقانىن انىقتاعان.
«اقشاسىن شەشىپ الۋعا بولاتىن كليەنتتى ىزدەپ تابۋ ءۇشىن كۇدىكتى بانكتەردى ارالاعان. 2016 -جىلى مامىر ايىنىڭ سوڭىندا ول كاسسادان ەر ادامنىڭ ءىرى كولەمدە اقشا الىپ تۇرعانىن كورگەن. كليەنت تۋرالى مالىمەتتى ەستىپ العاننان كەيىن مەنەدجەر جۇمىسىنا كەلگەن دە سالىق كوميتەتىنىڭ سايتى ارقىلى ول تۋرالى اقپارات جيناي باستاعان. تولىق مالىمەتكە قول جەتكىزگەن سوڭ، قاسكۇنەم تانىسىنان وزىنە ابونەنتتىك ءنومىر راسىمدەۋدى وتىنگەن. بۇدان كەيىن توعىز سيم كارتا ساتىپ الىپ، «ينتەرنەت بانكينگ» قىزمەتىن قوسقان»، - دەدى پاۆلودار وبلىسى ءى ءى د- نىڭ باسپا ءسوز قىزمەتىندە.
ۆەدومستۆو ۇسىنعان اقپاراتقا سۇيەنسەك، ول بانكتىڭ سايتىنا ەسەپشوتىندا ءۇش ميلليون تەڭگەسى بار كليەنت تۋرالى مالىمەتتى ەنگىزگەن. بۇدان كەيىن 11-19 -شىلدە ارالىعىندا ساتىپ العان توعىز نومىرگە اقشا شەشىپ الىپ، قارجىنى بۋكمەكەرلىك كەڭسەدە اشىلعان ەسەپشوتىنا اۋدارىپ وتىرعان. اقشانىڭ جوعالعانى تۋرالى كليەنت ەسەپشوتىن تەكسەرگەندە عانا بىلگەن. وسى جوسپار بويىنشا الاياق سول بانكتىڭ فيليالىنان تاعى ءبىر كليەنتتىڭ ديپوزيتتىك ەسەبىنەن 13500 تەڭگە جىمقىرعان.
