تاسماعامبەتوۆ بالقاشتاعى رەسەيگە جالعا بەرىلگەن جەردىڭ اۋماعىن قىسقارتتى
كورشىلەرىمىز بۇعان دەيىن 5 بىردەي زەنيتتىك- زىمىران كەشەنىن جىبەرگەن بولاتىن. س-300 دەپ اتالاتىن كەشەن الماتى، استانا، اقتاۋ جانە شىمكەنتكە قويىلعان ەدى. ەندى رەسەي ءدال وسى كەشەنگە قاجەت 170 زەنيتتىك زىمىراندى تەگىن تارتۋ ەتپەك.
مۇنداي اسكەري قۇرىلعىلار اۋە كەڭىستىگىندەگى كەز- كەلگەن قاتەردىڭ الدىن الىپ، جولىن كەسۋگە قاجەت. سونداي- اق، قازاق جەرىنە كەلگەن رەسەيدىڭ قورعانىس ءمينيسترى سەرگەي شويگۋ مەن ەلىمىزدىڭ قورعانىس ءمينيسترى يمانعالي تاسماعامبەتوۆ تاعى ءبىرقاتار كەلىسىم جاسادى.
بالقاش تورابىن ءبىزدىڭ اسكەريلەر رەسەيلىك وفيتسەرلەرمەن بىرگە پايدالاناتىن بولدى. قاراعاندى وبلىسىنداعى زىمىران شابۋىلىنا قارسى ستانسيانى كورشىلەرىمىز 25 جىلدان بەرى جالعا الىپ وتىر. جاڭا كەلىسىم بويىنشا، ەندى وتاندىق اسكەريلەر دە زىمىران ۇشىرۋ ىسىنە قاتىسا الادى.
سونداي- اق، بالقاش تورابىنداعى رەسەيگە جالعا بەرىلگەن جەردىڭ اۋماعى دا قىسقارماق.
