11:48, 04 - تامىز 2016 | GMT +5
شەكاراشىلار قىتايعا ايۋدىڭ ازۋى مەن تىرناعىن الىپ وتپەك بولعان ادامدى ۇستادى
استانا. قازاقپارات - قازاقستان- قىتاي شەكاراسىندا ايۋدىڭ ازۋى مەن تىرناعىن زاڭسىز وتكىزۋدىڭ جولى كەسىلدى. بۇل تۋرالى ق ر ۇ ق ك ش ق باسپا ءسوز قىزمەتى حابارلادى.
«مايقاپشاعاي» زايسان شەكارا وتريادىنىڭ وتكىزۋ بەكەتىنىڭ جاساعى ايۋدىڭ 10 ازۋ ءتىسىن، 19 تىرناعىن الىپ وتپەك بولعان 40 جاستاعى قازاقستان ازاماتىن ۇستادى.
ۇستالعان ازامات قازاقستاننان قىتايعا جاياۋ وتكەن. قول جۇگىن تەكسەرۋ بارىسىندا ايۋدىڭ ازۋ تىستەرى مەن تىرناقتارى تابىلدى.
شەكاراشىلار وقيعانى قۇقىق قورعاۋ ورگاندارىنا حابارلادى.
