برازيليانىڭ وليمپياداعا دايىندىعىندا شالالىق كوپ - فوتو
كەلگەلى قوناق ۇيمەن وليمپيادانىڭ ارنايى باسپا ءسوز ورتالىعىنا ارنايى اۆتوبۋسپەن ءبىر جارىم ساعاتتاي ءجۇرىپ بارامىز. كوشەلەرىندە الاۋلاتىپ، جالاۋلاتىپ ءىلىپ قويعان وليمپيادانىڭ جارنامالارى مۇلدەم جوق دەسەك ارتىق ايتقانىمىز ەمەس. ءبىز جۇرەتىن ءبىر جارىم ساعاتتىق جول بويىندا ەكى جەردەن عانا «ريو 2016» دەگەن جازۋدى كورە الاسىز.
قالا وليمپيادا ويىندارىن وتكىزەتىن ەلدىڭ استاناسىنا ۇقسامايدى ءبىر قاراعاندا. ءبىراق، كوشەلدەردە سىرتىن وليمپيادانىڭ بەلگىسىمەن بەزەندىرگەن كولىكتەردى كورىپ قالامىز. ولار دا تىم كوپ ەمەس.
ال، وليمپيادا قالاشىعى مەن باسپا ءسوز ورتالىعىنىڭ اينالاسى قوقىسقا تولىپ جاتىر. اياقتالماي قالعان قۇرىلىس جۇمىستار سول قالپىندا قالعان. ونى جالعاستىرىپ جاتقان جۇمىسشىلار دا بايقالمايدى.
ەڭ قىزىعى جول ۇستىنەن وتەتىن جاياۋ جۇرگىنشىلەر ارنالعان كوپىرلەردىڭ بارلىعى تەمىرمەن قۇراستىرىپ اسىعىس جاسالا سالىنعان. كوپىردىڭ ۇستىنە توسەلگەن تەمىرلەرى جۇقا قاڭىلتىرعا ۇقسايدى. ونىمەن ادام ءجۇرىپ وتكەندە جاياۋ جۇرگىنشى وتە ساق بولماسا قۇلاپ كەتۋى مۇمكىن سەكىلدى كورىندى.
ءبىز بۇگىن وسى كورىنىستەردەن فوتورەپورتاج ۇسىنۋدى ءجون كوردىك.
اۆتور: كۇنسۇلتان وتارباي
