ريو جۋرناليستەردى ماسادان قالاي قورعاپ جاتىر

 ريو- دە- جانەيرو. قازاقپارات - ريو وليمپياداسىنا الەمنىڭ بارلىق ەلىنەن كەلگەن تىلشىلەر ءبىر اۋداندا، ءبىر اۋلادا تۇرىپ جاتىر. قونىستانعان جەرىمىز جانعا جايلى، ەڭ باستىسى تىنىش. قالانىڭ ءبىر جاق شەتىندە، تاۋدىڭ ەتەگىندەمىز، دەپ حابارلايدى «قازاقپارات» ءتىلشىسى.

وسىعان دەيىن برازيليادا ماسا ارقىلى زيكا بەزگەگى تارالىپ جاتىر دەگەن اقپاراتتان سوڭ ازداپ سەسكەنگەنىمىز جاسىرىن ەمەس. ءبىراق، ريوعا كەلگەلى ءالى بىردە- ءبىر رەت ماسا كەزدەستىرمەدىك.

 جۋرناليستەردىڭ ورنالاسقان قوناق ۇيلەردىڭ اۋلاسىن ارنايى تەحنيكامەن ماسا جانە باسقا دا جاندىكتەرگە قارسى ءدارى شاشىپ تۇرادى.

سونىمەن قاتار، ريوداعى جۋرناليستەرگە ارنايى اشىلعان باسپا ءسوز ورتالىعىندا العاش بارعاندا كۇنى ءار تىلشىگە ءبىر- بىردەن كيىمدەرىنىڭ سىرتىنا شاشاتىن ماسانىڭ ءدارىسىن تاراتتى.

 

اۆتور: كۇنسۇلتان وتارباي