09:42, 04 - تامىز 2016 | GMT +5
وليمپيادانىڭ اشىلۋى قارساڭىندا برازيليادا قاۋىپسىزدىك كۇشەيتىلدى - فوتو
ريو- دە- جانەيرو. قازاقپارات - ريو وليمپياداسىنىڭ اشىلۋى جاقىنداعان سايىن، برازيليا ۇكىمەتى قاۋىپسىزدىكتى كۇشەيتە باستادى. ءبىز ريوعا العاش كەلگەن كۇندەرى كوشەدەگى قارۋلى اسكەريلەردىڭ سانى بۇگىنگىدەي كوپ ەمەس بولاتىن،
دەپ حابارلايدى «قازاقپارات» ءتىلشىسى.
بۇگىن وليمپيادالىق قالاشىقتا قازاقستان تۋىن كوتەرۋ سالتاناتتى شاراسىنا بارار جولدا قارۋلى ساربازداردىڭ قاتارى كۇن ساناپ ارتىپ كەلە جاتقانى بايقالدى. كوشەلەردىڭ قيىلىستارىنا تولىق قارۋلانعان جاساقتار قويىلا باستاعان. ولارعا كومەككە اسكەري تەحنيكالار دا تارتىلعان. سونىمەن قاتار، قوعامدىق قاۋىپسىزدىكتى ساقتاۋ ءۇشىن كوشەدە اتتى جاساقتار دا پاترۋلدەۋگە كوشكەن.
ەستەرىڭىزگە سالا كەتەيىك، بۇعان دەيىن برازيليادا وليمپيادا كەزىندە تەراكت جاساۋدى جوسپارلاعان قىلمىستىق توپتىڭ 12 مۇشەسى ۇستالعان ەدى. بيلىك مالىمدەمەسىنە سايكەس، ۇستالعاندار «يسلام مەملەكەتى» تەرروريستىك توبىنىڭ مۇشەسى ەمەس، ءبىراق سول توپپەن بايلانىس ورناتۋعا تىرىسقان.
اۆتور: كۇنسۇلتان وتارباي
