قازاقستاندىق سپورتشىلارعا برازيليانىڭ اۋا رايى قاتتى ۇناپ تۇر - ەلسيار قاناعاتوۆ
بۇل تۋرالى قازاقپارات ح ا ءا تىلشىسىنە ق ر مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتىنىڭ ءتوراعاسى ەلسيار قاناعاتوۆ ءمالىم ەتتى.
«ريونىڭ اۋا رايى وتە تاماشا. ءبىز ىستىق بولادى دەپ ويلاعان ەدىك. سپورتشىلارىمىز كەلگەلى كۇن سالقىن بولدى. وليمپيادا ويىندارى بىتكەنشە وسى اۋا رايى ساقتالسا تىپتەن جاقسى بولار ەدى. ءبىزدىڭ سپورتشىلارعا دا، وزىمىزگە دە وسىنداي اۋا رايى ۇنايدى. كۇن قاتتى ىستىق بولسا سپورتشىلاردىڭ جاتتىعۋىنا، جارىسقا قاتىسۋىنا كەرى اسەرىن تيگىزەرى انىق. سەبەبى، ءبىز سالقىن ەلدەن كەلدىك. قازاقستاندا اسا ىستىق بولمايدى عوي»، - دەپ اتاپ ءوتتى قاناعاتوۆ.
بۇگىن ريو اسپانىن الا بۇلت تورلاپ، باتىستان سالقىن سامال سوقتى. كۇن دە قاتتى ىستىق ەمەس، 24 گرادۋستى كورسەتىپ تۇر. نەگىزى بۇل مەزگىل برازيليالىقتار ءۇشىن قىسقى ۋاقىت ەسەپتەلەدى ەكەن.
اۆتور: كۇنسۇلتان وتارباي
