08:18, 04 - تامىز 2016 | GMT +5
ريو- دە- جانەيرو مەرى وليمپيادا الاۋى ەستافەتاسىنا قاتىستى
استانا. قازاقپارات - ريو- دە- جانەيرو مەرى ەدۋارد پاەس وسى قالا اۋماعىنداعى وليمپيادا الاۋى ەستافەتاسىنىڭ العاشقى قاتىسۋشىسى بولدى، دەپ حابارلايدى ت ا س س.
وليمپيادا- 2016 الاۋىنىڭ استاناعا كەلگەنىنە ارنالعان سالتاناتتى ءراسىم گۋانابارا شىعاناعى جاعالاۋىندا ءوتتى.
برازيليا جەلكەندى سپورت قۇراماسىنىڭ 7 قاتىسۋشىسى جاعىلعان لامپانى جاعالاۋعا جەتكىزدى. بۇل جەردە ولاردى قالا مەرى زايىبى كريستين پاەسپەن جانە بالالارى بەرنارد، يزابەللامەن بىرگە قارسى الدى.
ەدۋارد پاەس لامپادادان الاۋدى جاعىپ، پورتتى ايماقتا بىرنەشە مينۋت ءجۇردى دە ەستافەتانى 15 جاسار سپورتتىق ۋچيليشەنىڭ ستۋدەنتى رەبەكە موراەس دۋس سانتوسقا تاپسىردى.
بۇدان سوڭ وليمپيادا الاۋى جاقىندا سانتوس- ديۋمون اۋەجايى اۋماعىندا ىسكە قوسىلعان ترامۆاي ارقىلى قالا ورتالىعىنا اپارىلدى.
