18:30, 03 - تامىز 2016 | GMT +5
الماتىدا كوشە اۆتوبۋسى جول ايرىعىنىڭ بەتون قابىرعاسىنا سوعىلدى
الماتى. قازاقپارات- الماتىدا 92- باعدار بويىنشا قاتىنايتىن جولاۋشى تاسىمالداۋشى كوشەدەگى قوعامدىق اۆتوبۋس رەيس بارىسىندا رايىمبەك داڭعىلى مەن ءسۇيىنباي كوشەسىنىڭ قيىلىسىندا جول ايرىعىنىڭ بەتون قابىرعاسىنا سوعىلدى.
جول اپاتىنان 14 ادام زارداپ شەكتى. بۇل تۋرالى الماتى قالالىق ءى ءى د رەسمي وكىلى، پوليتسيا مايورى سالتانات ازىربەك حابارلادى.
«Yutong ماركالى 92- باعىتتاعى قوعامدىق اۆتوبۋس ءسۇيىنباي داڭعىلىمەن وڭتۇستىك باعىتتا كەلە جاتىپ، رايىمبەك داڭعىلىنا، وڭعا قاراي بۇرىلار ساتتە جول ايرىعىنىڭ تەمىر- بەتوننان جاسالعان قابىرعاسىنا سوعىلدى. جول اپاتى سالدارىنان الدىن الا دەرەك بويىنشا 14 ادام ءتۇرلى دەنە جاراقاتىن الدى. ولارعا مەديتسينالىق كومەك كورسەتىلدى»، - دەدى س. ازىربەك.
ازىرگە قانشا ادامنىڭ اۋرۋحاناعا جاتقىزىلعانى بەلگىسىز.
قازىر جول- كولىك اپاتىنىڭ سەبەبى انىقتالۋ ۇستىندە.
اۆتور: ايبوتا جاپپاربەرگەن
