اقمولا وبلىسىنىڭ اكىمى استانا ماڭىنداعى اۋىلداردا زاڭسىز جەر تەلىمدەرىنە قاتىستى تۇسىنىكتەمە بەردى - فوتو

كوكشەتاۋ. قازاقپارات - اقمولا وبلىسىنىڭ اكىم سەرگەي كۋلاگين استانانىڭ ىرگەسىندەگى ەلدى مەكەندەردە زاڭسىز جەر تەلىمدەرىن يەلەنۋ ماسەلەسى بويىنشا جەرگىلىكتى تۇرعىندارمەن كەزدەستى،

 دەپ حابارلادى «قازاقپارات» ءتىلشىسى.

 سەلينوگراد اۋدانىنىڭ تايتوبە اۋىلىندا وتكەن كەزدەسۋدە ايماق باسشىسى زاڭسىز جەر يەلەنۋشىلەردىڭ اراسىندا الدانىپ، بىرەۋدەن جەر تەلىمىن اقشاعا ساتىپ العان تۇرعىنداردىڭ كىناسى جوقتىعىن جانە بۇل باعىتتا قۇرىلعان جۇمىس توبى ماسەلەنىڭ اق- قاراسىن انىقتاۋ ماقساتىندا تەكسەرىس جۇرگىزىپ جاتقانىن اتاپ ءوتتى.

 «مەن ءاۋ باستان- اق ادال جولمەن قارجىسىن تولەپ جەر ساتىپ العان تۇرعىنداردىڭ ەشقانداي كىناسى جوق ەكەنىن ايتقان بولاتىنمىن. بۇگىنگى كۇنى مەنىڭ وتىنىشىممەن قۇقىق قورعاۋ ورگاندارى تاراپىنان بارلىق تەكسەرۋلەر ۋاقىتشا توقتاتىلدى. الداعى ۋاقىتتا ءبىز مۇنى ەگجەي- تەگجەي تالداپ، ءاربىر وتىنىشكە جەكە قارايتىن بولامىز. سوعان ساي ناقتى شەشىم شىعارىلاتىن بولادى. كەيبىر جەر تەلىمدەرىنە قاتىستى ىستەر تەك سوت ارقىلى عانا شەشىلەتىن بولادى. بۇعان ارينە ءبىراز ۋاقىت كەرەك. سوندىقتان، سىزدەردى سابىرعا شاقىرامىن. قازىرگى كەزدە، جۇمىس الگوريتىمى جاسالىنىپ، جەر پايدالانۋشىلاردىڭ مالىمەتتەر بازاسى ءبىر جۇيەگە كەلتىرىلۋدە. ەستەرىڭىزدە بولسا، وسىعان ۇقساس جاعداي قوياندى اۋىلىندا دا بولدى. بۇگىنگى كۇنى ءبىز ونداعى جاعدايدى دا بىرتىندەپ شەشۋدەمىز»، دەدى س. كۋلاگين ءوز سوزىندە.

اتاپ ءوتۋ كەرەك، سەلينوگراد اۋدانى بويىنشا زاڭسىز جەر تەلىمدەرىن يەلەنگەن بارلىعى 570 وقيعا تىركەلەگەن. ونىڭ 270- ءى قوسشى جانە تالاپكەر اۋىلدارىنا تيەسىلى بولىپ وتىر. ال، وسىعان دەيىن قوياندى اۋىلىندا انىقتالعان 195 زاڭسىز جەر تەلىمىن يەلەنۋ وقيعاسىنىڭ بۇگىنگى تاڭدا 15 قارالۋ ۇستىندە. قالعاندارى تولىق شەشىمىن تاپقان.

 اۆتور: اسلان وسپانوۆ