استانادا قازاقستاندىق سپورتشىلاردىڭ ريو وليمپياداسىنا قاتىسۋ كەستەسى بار پاراقتار تاراتىلۋدا

استانا. قازاقپارات - استانادا «سپورتقا جاقىن بول! ەلىمىزدىڭ قۇراما كومانداسىن شاشباۋىن كوتەر!» جوباسىنىڭ تۇساۋى كەسىلدى.

 جوباسى اياسىندا ادامداردىڭ كوپتەپ جينالاتىن ورىندارىندا اقپاراتتىق ونىمدەر ءۇشىن اقپاراتتىق تاقتالاردى ورنالاستىرۋ كوزدەلۋدە. وندا قالادا وتكىزىلەتىن بۇقارالىق سپورت شارالارى تۋرالى جانە قازاقستاندىق سپورتشىلاردىڭ وليمپيادادا قاتىسۋ باعدارلامالارى مەن ەفيردەگى كورسەتىلىمدەردىڭ ۋاقىتى كورسەتىلگەن پاراقشالار تاراتىلماق.

مۇنداي تاقتالار «كەرۋەن»، «حان شاتىر»، «مەگا»، «ارۋجان»، «ازيا پارك»، وۋم ساۋدا ورتالىقتارى، «اڭسار»، «ساپارجاي» اۆتوۆوكزالى سياقتى ورىنداردا ورناتىلادى. اۋەجايمەن كەلىسسوزدەر اياقتالىپ قالدى. كەيىن قالالىق حالىققا قىزمەت كورسەتۋ ورتالىقتارىنا قويۋدى جوسپارلاۋدامىز»، - دەپ اتاپ ءوتتى وقۋ- ادىستەمەلىك ورتالىعىنىڭ ديرەكتورى ارداق تۋلەندين.

جوبانىڭ ەكىنشى باعىتى - حالىققا قولجەتىمدى جانە كوپ ۋاقىتتى تالاپ ەتپەيتىن دەنساۋلىققا پايدالى جاتتىعۋلارمەن سپورت تۇرلەرى تۋرالى بۋكلەتتەر ورنالاستىرۋ. سونىمەن قاتار بۇل بۋكلەتتەردە جاتتىعۋلاردىڭ اعزاعا پايداسى نەمەسە قولدانۋعا بولمايتىن جاعدايلار جانە تاعى باسقا تۋرالى تۇسىندىرمەلەر بەرىلەدى.

وليمپيادا ويىندارى اياقتالعان كەزدە دە جوبا ءوزىنىڭ وزەكتىلىگىن جوعالتپايدى، دەيدى ۇيىمداستىرۋشىلار. ول اقپاراتتىق تاقتالاردا استانادا بولاشاقتا بولاتىن ءىرى سپورتتىق شارالار تۋرالى جانە ولاردىڭ وتەتىن مەرزىمدەرى مەن باعدارلاماسى جونىندەگى مالىمەتتەر ورنالاستىرىلماق.

بۇل جوبا تەك ەلوردادا قولعا الىنعان. ىلكى جوبا رەتىندە جىل سوڭىنا دەيىن جالعاسادى. كەيىن ول جوبانىڭ رەسپۋبليكانىڭ باسقا دا وڭىرلەرىنە دە ەنگىزۋ جايى قارالادى.