مۇستافا وزتۇرىك: التىن الماساڭدار ستامبۋلدا كومىپ كەتەمىن

استانا. قازاقپارات - «... ء بىر رەتتە قازاقستان اتىنان حالىقارالىق جارىسقا شىقتىق. ءسويتىپ ءبىزدىڭ ءۇش سپورتشىمىز فينالعا ءوتتى. ءبىراق جىگىتتەردىڭ: «بىزگە ەكىنشى ورىن دا جەتەدى. الگىلەر مىقتى، ەۋروپا چەمپيوندارى. باستارىڭدى ابايلاڭدار»، - دەگەن اڭگىمەلەرىن ەستىپ قالدىم دا ىزا بولىپ كەتتىم.

سونان سوڭ ول ۇشەۋىن بىلاي شىعارىپ الىپ:

«سەندەر مۇندا نە ءۇشىن كەلدىڭدەر؟ ! ماعان جانە مەنىڭ ەلىمە ەكىنشى ورىننىڭ كەرەگى جوق. ءبىرىنشى ورىن كەرەك ماعان! قازىر فينالداسىڭدار. جەڭىلىپ قالساڭدار نە بەتتەرىڭمەن ەلگە قايتاسىڭدار؟ بۇل جارىستان قالاي دا التىن الاسىڭدار. الماساڭدار، ستامبۋلدا كومىپ كەتەمىن!» دەگەندە ولار: «ولتىرمەڭىز!» دەدى.

وسىدان كەيىن ەكى شاكىرتىم التىن الدى. ماڭدايلارىنان ءسۇيدىم. ال الگى جەڭىلىپ قالعان ءۇشىنشى سپورتشىمىز جوق. ارى- بەرى ىزدەدىك. سويتسەك، ءبىر تۇكپىردە جىلاپ وتىر ەكەن. مەنى كوردى دە: «اعا، كەشىرىڭىزشى. كەلەسىدە جەڭەمىن، ەندى قاتەلىك جىبەرمەيمىن» دەدى. مەن نامىسىن قايراپ: «كەلەسى دەگەن ەندى بولمايدى. الدە قازاقستاندا باسقا مىقتى سپورتشى جوق دەپ ويلايسىڭ با؟ بۇدان بىلاي كەلمەيسىڭ!»، - دەپ ەدىم، اناۋ ودان سايىن وكىرىپ جىلادى. سونان سوڭ: «اينالايىن، ەلىم، جەرىم دەپ جىلاعانىڭ ءۇشىن راحمەت. سەنىڭ ىشكى دۇنيەڭدى كورىپ، سەزىپ تۇرمىن. سەن چەمپيونداردىڭ چەمپيونى بولاسىڭ»، - دەدىم...»

قازاقتىڭ ءار ازاماتىنا ارناپ ايتىلعانداي...

https://bitanazamat.kz