سۇلۋلىق حانشايىمى گوندۋراستا ءىز- ءتۇسسىز جوعالىپ كەتتى
دەپ حابارلايدى ر ي ا نوۆوستي.
تۋىستارىنىڭ ايتۋىنشا، 18 جاستاعى اندينو جاڭا جۇمىس بابىمەن سويلەسۋ ءۇشىن كەزدەسۋگە كەتكەن، سوڭعى رەت ونى ترينيداد مۋنيتسيپياسىندا كورگەن.
2014 - جىلى «گوندۋراس حانشايىمى» ماريا حوسە الۆارادونىڭ قاتىگەزدىكپەن ءولتىرىلۋى گوندۋراستى جانە بۇكىل الەمدى ەسەڭگىرەتكەن ەدى.
ون توعىز جاستاعى الۆارادو 2014 -جىلدىڭ ساۋىرىندە «گوندۋراس حانشايىمى» اتانعان. سول جىلى قاراشا ايىندا اپكەسى ەكەۋى اجال قۇشتى. ونىڭ اپكەسىنىڭ جىگىتى بار كىنانى موينىنا الدى.
گوندۋراستاعى زورلىق- زومبىلىق پەن قىلمىس دەڭگەيى الەم بويىنشا جوعارعى ورىندا تۇر. ب ۇ ۇ ەسىرتكىمەن جانە قىلمىسپەن كۇرەس باسقارماسى گوندۋراستىڭ 100 مىڭ حالقىنا 90,4 كىسى ولتىرۋدەن كەلەتىنىن ايتتى. ونىڭ ۇستىنە، كىسى ءولتىرۋدىڭ %70- ىنىڭ ەسىرتكى ساۋداسىنا قاتىسى بار.
**
گوندۋراس رەسپۋبليكاسى - ورتالىق امەريكادا ورنالاسقان مەملەكەت. ەلورداسى - تەگۋسيگالپا قالاسى (1880 -جىلعا دەيىن - كوماياگۋا). وڭتۇستىك- شىعىستا نيكاراگۋا ەلىمەن، وڭتۇستىك- باتىستا سالۆادورمەن، ال باتىستا بولسا گۆاتەمالا ەلدەرىمەن شەكارالاسادى. سولتۇستىكتە كاريب تەڭىزى جانە وڭتۇستىكتە تىنىق مۇحيتى ورنالاسقان.
